زبانحال حضرت زینب (س) در شهادت حضرت زهرا (س)
.
.
.
#سبک_آتدان_یره_چون_دوشدی
#سبک_یاران_چه_غریبانه (بدون واگیر)
#سبک_آی_گویده_کی_اولدوزلار (بدون واگیر)
.
.
.
حاج اصغر فرشچی (عدلی تبریزی)
.
الله اور گیم غمدن اود دوتدی الولاندی
زهرا آنام هجرینده باغریم نقدر قاندی
.
واگیر:
غصه دن گوزلریم اشکیله دولار
اولماسا باغبان گلشنی سولار
.
.
گیتدی یارالی قبره ترک ایتدی بودنیانی
آغلاشدی بالالاری قالدی قاپودا قانی
اُولمزدی جوان زهرا الدوردی اونی ثانی
داندی بابامون حقین اود ویردی قاپی یاندی
.
.
تک قالدی بابام حیدرگوز یاشی یوزه باغلور
باخدوقجا گوروربوشدور زهرا یرینی آغلور
دیلدن گلوری آهه هم سینه سینی داغلور
هم کفوی گیدوب الدن چوخ حالی پریشاندی
.
.
باخما بابام آغلا سن دوندرمه گوزون ابره
بوغم بو مصیبتده وادار اولاروخ صبره
امّا نَدی بو سّری گزلین قویولوب قبره
چوخ دیللری قان ایلر جاندان جان آرالاندی
.
.
گلدی بابام ایومیزده باخدی درو دیواره
توکدی گوزونون یاشین مرجان کیمی رخساره
بیردن نظری دوشدی درگاهیده مسماره
ایوای دیدی اگلشدی صبرین ایوی تالاندی
.
.
چوخ آغلاما قارداشیم توکمه یوزوه قانیاش
زینبده اولارسنلن غملی سفره یولداش
اُولّام سنه عالمده باجی هم آنا قارداش
عاشقدی سنه زینب جانی سنه قرباندی
.
.
من عاشق سرمستم سن شاه شهیدانه
شرکت ایدرم سنله بیر نهضت شایانه
ویروخ اَلْ اَلَه قارداش منّت اولی بو جانه
سن جان به کف اسلام حامی سنه یزداندی
.
.
دوشسه گذریم گورسم دین گلشنی خنداندی
یرده بدنون دوشموش چوخ یاره لی عریاندی
باشدان باشا گل پیکر اوخدی یارادی قاندی
قویمازلا سالام سایه دور و بریم عدواندی
.
.
اهدافوی عالمده اعلان ایدرم قارداش
قول باغلی اسیر اولّام شامه گیدرم قارداش
یولّاردا اگر ویرسا دشمن دوزرم قارداش
زهرا قیزیم زینب باخما بیله گریاندی
.
.
امر ایلدی بیر دوستوم یاز منده اولوم بانی
عشق اهلی اوزی عاشق هیئتده نواخوانی
آغلار گوزی وار آغلار هم آغلادی دنیانی
یازدی بو سوزی «عدلی» امّا اونا عنواندی
.
.
.
#فاطمیه_شهادت
#الله_اورگیم_غمدن_اود_دوتدی_الولاندی
#عدلی_تبریزی
#ترکی
.
.
نظر دهید