زبانحال حضرت صغری (س) در فراق برادر
سوال و جواب
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
الله منی آغلار قویوب اکبر سفرینده
باغریم بله دونمزدى قانا هر سفرینده
یا قاضی الحاجات
.
.
یثربده گیدنده رخ زیباسینه باخدیم
سالدیم قولومی بوینونا سیماسینه باخدیم
ئوپدوم یوزینی نرگس شهلا سینه باخدیم
گلّم دیمه دی جدّینه بنذر سفرینده
.
.
مدّتدی گوزوم یولدادی دنیاده مریضم
یوخدور سالانیم طایفه ده یاده مریضم
اکبردی طبیبیم فقط افتاده مریضم
بیر گل کیمی قویما اولا پرپر سفرینده
.
.
من گوزلریمی اشگیله دولدورموشام الله
یالوارماقا یردن ایاقا دورموشام الله
قارداشیمی هر آن سنه تاپشورموشام الله
من نیلیرم اولسا مکدّر سفرینده
.
.
مندن نظرون کسمه بنی هاشمه خاطر
زهرا عوضی عمّه مه قارداشیمه خاطر
یثرب گوزلین حفظ الله گوزیاشیمه خاطر
دل یاندی شرار غمه دلبر سفرینده
.
.
هجرت گیجه سی اکبره یالواردوم آپارسون
عبّاس وفا پروره یالواردوم آپارسون
هر ماه ملک منظره یالواردوم آپارسون
ردّ اولدی سوزوم آل پیمبر سفرینده
.
.
گُل یوزلی مسافرلریمی ساخلا خطردن
گَلمز خبر اصلا وطنه شمس و قمردن
قلبیم دویونر چوخ نگرانم صود امردن
قرخلیدی قوجاقدا علی اصغر سفرینده
.
.
گُل صاحبی دردی چمنیندن گل آپاردی
گوردوم من اوزوم هر گُلینه بلبل آپاردی
غم قافله سینده نچه شیرین دیل آپاردی
گوزدن منی سالدى شه محشر سفرینده
.
.
رحم ایله آچیلسون گنه ده باغلی اتاقلار
دگسون اطاقین فرشینه پاکیزه ایاقلار
گلسون ائلیمین دیدینه یثربده قوناقلار
بیر عمریدی قلبیم یانور ائللر سفرینده
.
.
گوردوم گیجه بیر قانلی بیابانی یوخومدا
گوردوم من على اکبر زیبانی یوخومدا
دولموشدی گوزل گوزلرینه قانی یوخومدا
قویما وورولا باشینه خنجر سفرینده
.
.
عرض ایتدیم على حال پریشانووه قربان
دولموش نیه قان گوزلروره قانووه قربان
مندن سوزی گیزلتمه دانش جانووہ قربان
آخر باجیلار قارداشی گوزلر سفرینده
.
.
قاصد دولانار کوچه ده گلمز منه نامه
قاصددن على یولاموشام اصغره جامه
گوندردیم همان گون سنه ده عالی عمامه
عمّامه دیدیم قارداشیم ایستر سفرینده
.
.
صبریم ایوی آز قالدی الهی تالان اولسون
ساللام باشیما قاره یوخوم کاش یالان اولسون
تا زندگیده فکریمه بیر کس قالان اولسون
ئولّم من على اکبر ئوله گر سفرینده
.
✔️ جواب حضرت علی اکبر (ع)
#یوز_ویردی_منه_غم_باجی_صغری_سفریمده
.
.
#حضرت_صغری #معزی_اردبیلی
#الله_منی_آغلار_قویوب_اکبر_سفرینده
#ترکی
.
✍️ #زبدةالاشعار ✍️
.
🆔: @nohe_torki
نظر دهید