زبان حال زینب (س) در عزای زهرا (س)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
مشابه
.
مرحوم معزی اردبیلی
.
الله ننم ئولدی گونوم آغلار کیچر ایوده
گون دالدالانار من اولارام خونجگر ایوده
.
.
دنیاده پریشان دولانارمیش ننه سیزلر
آخشام یوزی پوزقون دایانارمیش ننه سیزلر
نار غم هجرانه یانارمیش ننه سیزلر
صاق و صولا حسرتله ایدرمیش نظر ایوده
.
.
دشمن ستمه پنجه آچوب اللرى سنسون
منظوری اولوب کنز ادب گوهری سنسون
یانسون قاپومیز فاطمه پهلولری سنسون
توکسون یوزه اطفالی سرشک بصر ایوده
.
.
نسگلّی سوزی مندن الهی جان آپاردی
مظلومه آنامی قاپوموزدا قان آپاردی
داغلی اورگین قبر ایوینه شان شان آپاردی
قارداشلاریم الآندا دالیجا ملر ایوده
.
.
گون مغربه هرگون یتیشنده اولار آخشام
آغلار گوزوم اشکیله همیشه دولار آخشام
گل مثلی حسینون یوزی بیردن سولار آخشام
ایستکلی آناسین گیجه گورّم گزر ایوده
.
.
ام الحسنینه ویروب آزار یاراسی
درده گتوروبدور در و دیوار یاراسی
هیچ توختامادی سینه ده مسمار یاراسی
عقبایه طرف باغلادی بار سفر ایوده
.
.
اولمیشدی آنام رافعون ارزنده رفیعی
هر امرینون هر وقتیده معصومه سمیعی
اللرده ئولوب ایلمیوب عمر طبیعی
ئولسیدی اؤزی یانمازیدیم بو قدر ایوده
.
.
یثربده ایشقلی گونی شام سیه اولدی
پیغمبری آغلار قویان اهل گُنه اولدی
رحمت قاپوسی قارداشیما قتلگه اولدی
قاچدی قاپیا قالمادی هیچ بیر نفر ایوده
.
.
قمچی وورولوب گورمدی اشرار سکوتین
یاندیردی عدو قلبینی اهل ملکوتین
سندی قولی بیر اللی آنام دوتدی قنوتین
گوز یاشلی دوشوب سجدیه شام و سحر ایوده
.
.
دشمن ستم اوسته دایانوب منطقی سوزده
بیر سیلی ویروب گورسنه قانلی لکه گوزده
گوردوم من اؤزوم گلدی ایوه بیر الى یوزده
یاندی یوزوم الله دیدی اول خوش سیر ایوده
.
.
شرم ایله مدی فاطمه نون غملی چاقندان
ضربیله ایله سیلی وروب گل یایاقندان
گوشواره سی سندی یره دوشدی قولاقندان
آز قالدى منی ئولدوره غملی خبر ایوده
.
.
اوغلانلارینی قیزلارینی مین بوداق ایله
دشمنلرینی دهریده پوزقون تفاق ایله
سیلی ورانی هاشمیلردن اوزاق ایله
هر صحبت سیلی ده وجودیم اسر ایوده
.
.
انسانه عجب غم گتوررمیش آناسیزلیق
نخل غم اورکده بیتوررمیش آناسیزلیق
دل آتشین عرشه یتوررمیش آناسیزلیق
قلبین گیجه گوندوز بوریرمیش شرر ایوده
.
.
وای سینه سی نار ستمیله آلشان وای
وای حقینون اوسته گیجه گوندوز چالشان وای
وای اوز قاپوموزدا صودی قانه قاریشان وای
وای محنتی صحبت اولونان دائم هر ایوده
.
.
.
#فاطمیه_معزی_اردبیلی
#فاطمیه_شهادت
#الله_ننم_ئولدی_گونوم_آغلار_کیچر_ایوده
#ترکی
.
✍️ #زبدةالاشعار ✍️
.
🆔: @nohe_torki
نظر دهید