زبدةالاشعار

الله ننه میز قبره ئورکده یارا گئتدی #فاطمیه_نریمان_حسین_زاده

شهادت حضرت فاطمه زهرا (س)

.
✍️ #زبدةالاشعار ✍️   
.   
🆔: @nohe_torki
.
نریمان حسین زاده
.
الله ننه میز قبره ئورکده یارا گئتدی
دیلده یارا قولدا یارا باشدا قارا گئتدی
.
.
قلبی یارالی دردی نهان گئتدى مزاره
آز عمر ائدوب عالمده جوان گئتدى مزاره
باخدی حسنینه نگران گئتدی مزاره
قلبینده غمی گلمدی آخر سانا گئتدى
.
.
تاب ایلدی هر لحظه غم و درد نهانه
اون سگز ایل عمرینده دؤنوب قدی کمانه
نسگللری قالدی بیزه بو ائوده نشانه
هجرینده بیزی سالدی یانار اودلارا گئتدی
.
.
یاندی قاپومیز اوندا که اغیار آراسیندا
گل قالدی او ساعت ائله بیل خار آراسیندا
پهلولری سندی در و دیوار آراسیندا
نسگللرینی یازدی در و دیوارا گئتدی
.
.
بیر خسته کبوتر کیمی بال و پری سیندی
بین در و دیواریده پهلولری سیندی
گئتدى آنام اما آتامون شهپری سیندی
سالدی آنامی دهریده حالدان حالا گئتدی
.
.
بیکس آنامین گئتمگه واریدی هاراسی
نه باجی نه قارداش نه ده یانینده آناسی
قلبی یارالیدی تزه سولسمیشدی آتاسی
درد و غم و محنتله او قلبی یارا گئتدی
.
.
قانون طبیعتدی بو ظاهرده نهاندا
هر باجیا یوز وئرسه اگر غم بو جهاندا
دردین دییر ئوز قارداشینا غملی زماندا
قالدی ولی حسرت بو باجی، قارداشا گئتدی
.
.
وردیم اولوب هر لحظه و هر آن ننم ایوای
قلبی یارالی دیده سی گریان ننم ایوای
گل جسمی گئدن قبرینه پنهان ننم ایوای
هجرینده ملر دورت بالا قالدی آنا گئتدی
.
.
#فاطمیه_نریمان_حسین_زاده
#فاطمیه_شهادت
#الله_ننه_میز_قبره_ئورکده_یارا_گئتدی
#ترکی
.
✍️ #زبدةالاشعار ✍️   
.   
🆔: @nohe_torki

متن پیشنهادی:  ای خدا جان اوستیم آرام جانیم گلمه دی #حضرت_ام_البنین_محمد_هوشمند

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی