الله گنه تنگ اولدی بو سینم غم الیندن #راه_شام_لاادری

راه شام
.
✍️ زبدة الاشعار ✍️
.
?: @nohe_torki
.
شاعر ؟؟؟
.
الله گنه تنگ اولدی بو سینم غم الیندن
ئولدور منی قورتار ولی نامحرم الیندن
.
یارب بیر اسیرم گوزومون یاشینه خاطر
سر نیزه ده بیکس بابامون باشینه خاطر
اطرافین آلان اوغلونا قارداشنا خاطر
قورتار بو یتیمه قزی بیر آن غم الیندن
.
تقصیر ئوزومدیدی که یاتدیم دالی قالدیم
بیر وقته آیلدیم نظر اطرافیمه سالدیم
نه ردینی تاپدیم نه قطارون سسین آلدیم
بیجا نه شکایت ائلیوم عمم الیندن
.
وئرم قسم الله سنی صدیقه بتوله
ال دوت ئوزون امداد ائله بو زار و ملوله
درنده جسارت ائلمز آل رسوله
قورتار منی درنده بنی آدم الیندن
.
بیر باجی که اکبر تک اونون قارداشی اولسون
انصافیدی گور زجر اونا یول یولداشی اولسون
مامور اورگی داش او قیزون اوچ یاشی اولسون
ائتسین او گوزل گوزلرینی پر نم الیندن
.
یازسیدیم علی اکبره گوزیاشلی رقیمه
الان یتورردی ئوزین امداد یتیمه
بیر تیغیله ایلردی یقین زجری دو نیمه
باشیمده اگر بیر توک اولیدی کم الیندن
.
زجری تانورام من که یانان قلبه اینانمور
غمدن اورگین داغلیانا قلبیده یانمور
باش باشه قویور طفل یتیمیله اوتانمور
هيهات اولا آسوده بیری بیر دم الیندن
.
سسلندی الهی دده سیزلیق نه چتیندی
ئولدورسده یوخ مانع اولان زجره یقیندی
وار قمچیسی الده دیه سن قصدی همیندی
ئولم دگه بیر ضربه اگر محکم الیندن
.
.
#راه_شام
#الله_گنه_تنگ_اولدی_بو_سینم_غم_الیندن
#لاادری
#ترکی
.
✍️ #زبدةالاشعار ✍️
.
?: @nohe_torki