کیفیت ذبح خلیل علی نبینا و آله (ع) حضرت اسماعیل را
گریز به شهادت جناب علی اکبر (ع)
#فارسی_ترکی
.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
/// #فارسی ///
.
الهام شد خلیل خدا أبتلا کند
بر عشق خود سرور دلش را فدا کند
.
بر حبّ خلّت أَذبَحک فی المنام را
بینند قدسیان که خلیل التقا کند
.
آمد ندا به عالم لاهوت بنگرید
وافی به عهد قائل قالوا بلی کند
.
/// #ترکی ///
.
الهام ایدوب خلیله خداوند ذوالجلال
کَسسون مناده اوغولنی قربان او خوش خصال
.
فرمایش ایتدی هاجره ویر زینت اوغلوا
تعیین اولوبدی بیزدن اؤتور مجلس وصال
.
زلف سیاهه شانه ویروب زینت ایلدی
سالدى یولا آنا بالانی با غم و ملال
.
گتدی منایه اوغلونی قربان کسه خلیل
ردّ و قبول ایچون اونیله باشلادی مقال
.
من ایسترم بوگون سنی قربان کسم اوغول
رؤیاده امر ایدوب منه چون حیّ ذوالجلال
.
عرض ایلدی بو امره بابا وار رضایتیم
تعجیل قیل مباد یئته حکمه اختلال
.
اما واریمدو بر نچه عرضیم حضوریوه
گر چه ادای عرضه واریمدو چوخ انفعال
.
باغلا اَل و ایاقیمى اوّل طنابیله
اوندان صورا قیل امر خداونده امتثال
.
جان تابشوران دمیمده مباد ال ایاق چالام
قانیم منیم او حالده دامانون ایتسون آل
.
بیرده یوزیمی توپراقا قوی حال ذبحده
شاید قبول ایلیه خلّاق لایزال
.
یخدى مناده قوچ کیمی قرباننی بره
باغلادی ال ایاقنى فوراً او بیمثال
.
لیکن عباسنی یره سالدى دوزنمدی
توپراقلار اوسته یوز قویا فرزند مه جمال
.
بلمم نه نوع بس دایانوب وارث خلیل
اوندا که تاپدی نوگلنی اوُل فسرده حال
.
توپراقلار اوسته گوردی اوغول ال ایاق چالور
باشی قلجلانوب بویانوب قانه خطّ و خال
.
دیز تیتره دی اورک دوگونوب آخدی گوز یاشی
سویلوب نه بی مروّتیمش قوم بد سگال
.
یردن گوتوردی باشنی بیر باسدی باغرینا
آرام اولمادی دلی اُول سیّد رجال
.
قویدی یوزین اوغول یوزینه سسلدی اوغول
یاتما بو قان ایچینده دور ای معدن کمال
.
رحم ایتمیوب على سنی بو حاله سالدیلار
سانسیز یارا ویروبلا سنه لشگر ضلال
.
ای جدّیمون شبیهی جوانیم اوغول على
وأردور یری بو غمده یانا لیلی ماه و سال
.
آچ قانلو گوزلرون علی بیر باخ بو حالیمه
گور بیر نه حاله قالمیشام ای سرو نو نهال
.
گون ایستیسی دَگَنده سزیلدار یارالارون
عمرونده گون کیمی گورورم حالتِ زوال
.
باشون دیزیمده آغلامیوم ایسترم ولی
نیلوم على سرشگ تریم ویرموری مجال
.
یول گوزلوری آنان باش آچوب، زلفنى یولار
دور خیمیه جوانیم ایدیم نعشون انتقال
.
واردور یری علی اوزینی ئولدوره آنان
گورسه ایدیبله جسمووی تیغیله پایمال
.
حمل ایتماقا جنازوی حیرتدیم سنون
خندان اولور بو گل بدن ال دگسه لامحال
.
اولدون خلاص محنت و غمدن ولی آتان
قلبینده قالدی حسرت مقصودی بِالمَآل
.
«صحاف» هر کیم آغلیا زهرا عزیزینه
معیار وجه خالصله درک ایدر نوال
.
فکر ایلمه بو زحمت جزئی هدر گیدر
یتمیش مقابل اجر ویرور ایتمه میش سؤال
.
.
.
.
#عید_قربان #صحاف_تبریزی
#اکبریه_شهادت
#الهام_شد_خلیل_خدا_ابتلا_کند
#الهام_ایدوب_خلیله_خداوند_ذوالجلال
.
✍️ #زبدةالاشعار ✍️
.
🆔: @nohe_torki
نظر دهید