الهی خال رخ یاره قالمیشام نه دیوم #حیدریه

در مدح حضرت علی (ع)
#گریز به مصائب حضرت
.
✍️ زبدة الاشعار ✍️
?: @nohe_torki
.
مهدی فعال
.
الهی خال رخ یاره قالمیشام نه دیوم
جمال حضرت دلداره قالمیشام نه دیوم
.
دوروم دیوم اونا گل؛ گل طراوت اوندان آلور
یوزونده خلقت شهکاره قالمیشام نه دیوم
.
گوزل جمالینه یوسفده مشتری چیخدی
بو قدری گرمی بازاره قالمیشام نه دیوم
.
قصار جمله لری مین کتابیدن باش اولوب
بو یار نادره گفتاره قالمیشام نه دیوم
.
تمام عمری فضایلدی،من ندن دانیشوم؟
شماره گلمین آثاره قالمیشام نه دیوم
.
او ساده منزلینون قنبر اولدی دربانی
غلامه؛ سروره؛ درباره؛ قالمیشام نه دیوم
.
وضولی اولماسا احمد؛ دئمز علی آدینی
من ایندی مفخر اطهاره قالمیشام نه دیوم
.
نه تک غدیریده؛ دایم نبی سفارش ایدوب
تواتراً گلن اخباره قالمیشام نه دیوم
.
گورولله کعبه شکافین گنه اینانموللار
بوقدری مفتضح انکاره قالمیشام نه دیوم
.
او جنگ خیبر؛ اودا لیلة المبیتیندن
بو شیر خفته و بیداره قالمیشام نه دیوم
.
ایکی بؤلوبدی عدالتله عمر عبدودی
الینده قدرت پیکاره قالمیشام نه دیوم
.
یتیمه مرکب اولوب میندیرردی یوز بیلینه
سو مثلی رحمت سرشاره قالمیشام نه دیوم
.
دیردیلر آتامیز جنگ مرتضاده ئولوب
دیردی قسمت قهاره قالمیشام نه دیوم
.
همان یتیمه آغاجدان قلیج دوزلدردی
بئله  مقامیلی نجاره قالمیشام نه دیوم
.
گلون دیردی گئداخ انتقام آلاخ علیدن
یتیم قلبینه غمخواره قالمیشام نه دیوم
.
دوروب دئسم اونا الله دییَلَّه کفر اولدی
الهی گورنجه آواره قالمیشام؛ نه دیوم؟
.
دئدیله هو که دیورسن فقط خدانون دور
جمال حیدر کراره قالمیشام نه دیوم
.
او یول گئدنده  نبی لحظه گؤز گؤتورمزدی
یر اوسته کعبه ی سیاره قالمیشام نه دیوم
.
غلام حقلی دی ئولسه امام یانینده
دیلیم دوتولور امیر کلام یانینده
.
.
.
او عقربی قاشا یارب بلا دیوم؛ نه دیوم؟
بو جانیمی او دوداقه فدا دیوم؛ نه دیوم؟
.
نبی بویوردی منه نفس دور علی، جان دور
علی دیوم اونا یا مصطفی دیوم؛ نه دیوم؟
.
دو دم قلنجی نی برق بلا یازیم؛ نه یازیم؟
ئوزینه رزمینه یا لافتی دیوم؛ نه دیوم؟
.
او ذاتی بیر بیلیم الله لایزالیله
و یا او حضرتی حقدن جدا دیوم؛ نه دیوم ؟
.
علی نه عین خدادور نه آیری دور حقدن
گرک وجودینی حقده فنا دیوم؛ نه دیوم؟
.
دئدیم که نوکرون اوللام؛ أب الرحیم اولدی
آقا دیوم اونا یا که آتا دیوم؛ نه دیوم؟
.
اوجادی وصله ی نعلینی یددی گؤیلردن
عباسینون تؤزینا کیمیا دیوم؛ نه دیوم؟
.
بالالارین حرمینده ییغیشدیرار باشینا
نجف دیارینه پس کربلا دیوم؛ نه دیوم؟
.
قاپی دؤگنده علی؛فاطمه آچاردی قاپی
ائوینه مرکز عشق و صفا دیوم؛ نه دیوم؟
.
نجه دیوم اونا مظلوم اول عالم؟
بو دردی شیعه لره بی دوا دیوم؛ نه دیوم؟
.
نجه یازیم ئولومین آرزو ائدردی علی
اجابت اولمیان آیا دعا دیوم؛ نه دیوم؟
.
او قدرتیله سکوت ایله سین ائوی یانسین
جفای امتی امر قضا دیوم ؛ نه دیوم؟
.
دؤنرگه دؤندی پیمبر قاپوسی باغلاندی
مدینه مردمینی بی وفا دیوم؛ نه دیوم؟
.
نیه عیادتینه گلمیوبله زهرانین؟
مدینه ده اونی بی أقربا دیوم؛ نه دیوم؟
.
باخوب آناسینا مشق آلدی بینوا زینب
علی قیزین محنه مبتلا دیوم؛ نه دیوم؟
.
آناسی گر که نبی دن صورا بلا چکدی
بونی همیشه اسیر بلا دیوم؛ نه دیوم؟
.
بیر عمری آغلادی شاماتیده سسی باتدی
غروب رحلتینی جانفزا دیوم نه دیوم؟
.
دیردی خلوت ائدون دوره می،حسین گله جاق
یارالی قلبیمی حاجت روا دیوم؛ نه دیوم؟
.
گلر امام زمان دردلره ایدر چاره
تاپار شفا خانمین سینه سینده کی یاره
.

#حیدریه_مدح
#الهی_خال_رخ_یاره_قالمیشام_نه_دیوم
#مهدی_فعال
#ترکی
.
✍️ #زبدةالاشعار ✍️
?: @nohe_torki