زبدةالاشعار

الیمدن آلما قرار اکبریم هارا گئدوسن #اکبریه_یحیوی_اردبیلی

غزل هجران
سوزوگداز حضرت لیلا با حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
الیمدن آلما قرار اکبریم هارا گئدوسن
گوزومدن اولما کنار اکبریم هارا گئدوسن
.
سن آهو گوزلو جوانسان خرامه گلسون اگر
سنی ائده له شکار اکبریم هارا گئدوسن
.
بو سرعتیله گئدورسن ازلجه گل آناوا
تهیه ایله مزار اکبریم هارا گئدوسن
.
اوزون سوسوز دوداقون رنگی چوخ تاپوب تغییر
هوادن اوتدو یاغار اکبریم هارا گئدوسن
.
چکور على سنی دست اجل بو میدانه
منیم ائویم یخلار اکبریم هارا گئدوسن
.
او کاکلون داریوب سیلمیشم، رضا دگلم
قونا او زلفه غبار اکبریم هارا گئدوسن
.
اورک سؤزیمی دیه بیلمرم دلیم گلمز
سنی اجل آپارار اکبریم هارا گئدوسن
.
توز اولماسون قدمون آلتی، قوی سویوم زلفیم
ائدوم یول أوسته نثار اکبریم هارا گئدوسن
.
وان یکاد اوخیوم بد نظردن حفظ اولا تا
او ماهه بنزر عُذار اکبریم هارا گئدوسن
.
نه قارداشیم نه آتام وار، ائلیم گونیم سنسن
فقط گمان سنه وار اکبریم هارا گئدوسن
.
بهشت بنزر ائویم، سن گلنده منزلیمه
که ای فرشته شعار اکبریم هارا گئدوسن
.
اوتور یره دولانوم باشیوه چو پروانه
سن اول چراغ مدار اکبریم هارا گئدوسن
.
اوتوردوقون یره مسند یئرینه فرش ائلییم
نقاب حاشیه دار اکبریم هارا گئدوسن
.
نسیم هجرون اسوب کیپریگیمده ظاهر اولوب
سرشگ چشمیله بار اکبریم هارا گئدوسن
.
یواش یری نجه گور گوزلریم بولاغیندن
یوزیمه اشکیم آخار اکبریم هارا گئدوسن
.
اگر گئدوب گله جکسن دوروم یول اوستونده
اولوم دقیقه شمار اکبریم هارا گئدوسن
.
ملال آتیه دن من او قدر مضطربم
گوزوم گورور گونی تار اکبریم هارا گئدوسن
.
بودور توقّعیم ای گلشنیمده تازه گلیم
خزانه اولما دچار اکبریم هارا گئدوسن
.
یقین منی چکر آخر خرابه زندانه
او زلف سلسله دار اکبریم هارا گئدوسن
.
باتوبدو ماتمه زلفیم ملالی گونلریمه
اولوبدو تعزیه دار اکبریم هارا گئدوسن
.
یازاندا #یحیوی توش اولدی قلبی نار غمه
الیمدن آلما قرار اکبریم هارا گئدوسن
.
.
.
#اکبریه_یحیوی_اردبیلی
#اکبریه_شهادت
#الیمدن_آلما_قرار_اکبریم_هارا_گئدوسن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بولورم نقدری زمانه دن اؤرگونده وار گله فاطمه #فاطمیه_فغانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی