زبدةالاشعار

ال تاپدی قوم کافر سرداره گل حسینیم #عباسیه_خلیل_نژاد

استمداد حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی … 10 سبک
.
محمد حسین خلیل نژاد
.
ال تاپدی قوم کافر سرداره گل حسینیم
تعجیل ایله یوبانما دیداره گل حسینیم
.
.
یوزمین قوشون ایچینده اللرده قالمشام من
اطرافمی آلوبدی تیغ الده قوم دشمن
گل نعشیمی حسین جان دشمن الندن آل سن
ویرمه خبر بو حالی قیزلاره گل حسینیم
.
.
آتدان یخلمشام من یوخ اللریم بدنده
امیدیمی قطع ایلوب قوللار شها دوشنده
ای کاش سن اولیدون آتدان یره گلنده
افسوس یتدی صدمه قوللاره گل حسینیم
.
.
جدّیت ایلیردیم تا مشگه دگمسون اوخ
امّا بیراوخ خجالت ایتدی منی اخا چوخ
بو قدر بول که ایندی مشگیمده هیچ سویوم یوخ
سو گیتدی آخدی اشگیم رخساره گل حسینیم
.
.
گر قوللاریم اولیدی قارداش منیم سلامت
اوندا چتین اولاردی بو نوکرون خجالت
قیزلارون ایلمزدی مندن سنه شکایت
باخمازدیلار دمادم یوللاره گل حسینیم
.
.
فکر ایتمورم که قوللار یوخدور منیم بدنده
عرضیم بودور اولیدی قوللار سنی گورنده
بیر قول بویون اولیدوخ سن یانیمه گلنده
ترک ادب اولوندی سالاره گل حسینیم
.
.
قارداشوی یخوبلار دور و برین آلوبلار
تیز گل کمنده شیری صیّادیلر سالوبلار
بیر آهنین عمودی پیشانیمه چالوبلار
ایلوبله بیر وجودی صد پاره گل حسینیم
.
.
یوخ اللریم بدنده ای با وفا برادر
علّت او دور ایدوبلر بی حد جفا برادر
گاهی وورولا طعنه گاهی یارا برادر
قولسوز گوروب ویرولّار چوخ یاره گل حسینیم
.
.
گل یانیمه حسینجان بیرده ایدوم زیارت
آل باشیمی دیز اوسته بیحد تاپوم سعادت
گر چه منی ایدوبلر سیزدن اخا خجالت
لعنت بو قومه گلسون صد باره گل حسینیم
.
.
ای نور چشم حیدر ای شافع قیامت
لطف ایت «خلیل نژاده» ای معدن کرامت
قویما جزا گونونده اولسون آقا خجالت
قوش یار و یاوریله انصاره گل حسینیم
.
#عباسیه_خلیل_نژاد
#عباسیه_شهادت
#ال_تاپدی_قوم_کافر_سرداره_گل_حسینیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  عمه جان دشمن سالوب محنت قطاریندن منی #راه_شام_انور_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی