زبانحال حضرت ابوالفضل العباس علیه السلام
.
✍ زبدة الاشعار ✍
?: @nohe_torki
.
مرحوم شهاب تبریزی
.
ال گیدوب علم سرنگون اولوب
قارداش ال تاپوب اشقیا منه
دستگیرم اون یدّی کافره
لطف قیل شه کربلا منه
.
باش یاریلدی قان آخدی سو کیمی
هر ایکی گوزوم دولدی قانیلن
چاک چاک حسین اولدی پیکریم
تیغ و تیریلن هم سنانیلن
قالمیوب داخی قدرتیم منیم
ایلیم جدل شامیانیلن
پیکریم داخی پایمال اولوب
کوفیان وروب چوخ یارا منه
.
وردولار زبس خنجر و سنان
یخدیلار منی بو عقابیدن
کثرت یارا شدت عطش
سالدی قلبیمی صبر و تابدن
ای ابوتراب اوغلی گل گوتور
قانلی نعشیمی بو ترابدن
یاره لر سالوب نطقدن منی
ایلوب اشقیا چوخ جفا منه
.
صف بصف آلوب دوره می قشون
مشگل امریدور خیمیه گلم
باغلانوب داخی چاره یوللاری
باش سنوب اولوب قوللاریم قلم
نیلیوم یتوب جان دوداقیمه
قورخورام یوزون گورمیم الم
هر او قدر سس گلدی سسلدیم
سنده لطف قیل ویر صدا منه
.
ویر سکینیه حالیمی خبر
تکمه سون داخی یوللارا گوزین
مشگیم اوخلانوب آخدی سو یره
کشف قیلماسون برده سو سوزین
سو کنارینه یخدیلار سوسوز
کوفیان حسین سقانون اوزین
چکمه سون داخی انتظاریمی
یوز ویروبدی بیر ماجرا منه
.
ایتدیلر بهانه سو مشگیمی
الده بو گروه ستم شعار
وردولار اوخ اوستن اوخی منه
قالمادی وجودیمده اختیار
آخدی قان ز بس گیتدی طاقتیم
سلب اولوب داخی قلبدن قرار
سالدیلار آت اوستن یره حسین
آچدی ال بو قوم دغا منه
.
روز و شب سنه خدمت ایلوری
نوکرون شهاب ای شه جهان
عمرونی ویروب باشه صدقیله
ایلیوب منه خدمتین عیان
سنده ایسته حقدن بهشتده
روز حشر ویرسون اونا مکان
اولسا جرمی نصفین سنه گذشت
ایلسون او نصفین خدا منه
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
#عباسیه_شهادت
#ال_گیدوب_علم_سرنگون_اولوب_قارداش_ال_تاپوب_اشقیا_منه
#شهاب_تبریزی
#ترکی
.
✍️ #زبدةالاشعار✍️
?: @nohe_torki
نظر دهید