گفتگوی شهزاده علی اکبر (ع) با خانم لیلا
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
امامدن چون آلوب اذن جنگ علی اکبر
گلوبدی بیکس آناسین گوره او مه پیکر
.
.
یتشدى خیمۀ لیلایه اکبر ناکام
ازل آناسنه ویردی او شاهزاده سلام
دیدی آنا گیدورم جنگه اذن وئردی امام
یتوبدی وقت سنون نوگلون قانا بویانا
حلال قیل گیدورم حقّیوی باغشلا آنا
.
.
گورنده لیلى دوشوب جانی اکبرون خطره
گلوب قوجاقلیا اوغلون ولی یخیلدی یره
آنایه کیمدی بئله وقتده تسلی ویره ؟
گلوبدی لیلى أو دم شوریلن فغانه دیدی
علی علی آدینی دیلده یانه یانه دیدی:
.
.
چراغ خانۀ دلسن على سراجیم یوخ
نه بوردا بیر آتا قارداش آنا نه باجیم یوخ
گیدیرسن ایندی الیمدن منیم علاجیم یوخ
نچاره سلسلۀ عصمتی آچان دگولم
بالاسیز آهو کیمی چوللره قاچان دگولم
.
.
گوزوم یاشی اولار آب فرات تک آزاد
سرشک چشمیم آخار مثل دجلۀ بغداد
گونه چخاتدون عجب گیت اوغول ایوین آباد
آنا اولوب بویووا بیر دویونجا باخمامیشام
طوی ایلیوب الیوه لوی حناسی یاخمامشام
.
.
ئورکده حسرت اوغول گوزده گوز یاشیم واردور
نه مونس و نه انیس و نه قارداشیم واردور
فراق وقتدی سندن بو خواهشیم واردور
سنم اسیرینی گل میر منصبه تاپشور
آدامسیزام منی عمّون او زینبه تاپشور
.
.
نظاره قیل سورونور یرده گور ایاقیم على
دوشوبدی لرزیه جانیم اسر دوداقیم علی
پوزولدی کرب و بلاده منیم تفاقیم على
داغیلدی گلشن دین داغدار دور گللر
بلالی باشمه توکدی فلک عجب کللر
.
.
عروس فاطمه عالملره عزیزم من
اگر سن ئولسون علی دائم اشک ریزم من
آنا حساب ایلمه فرض قیل کنیزم من
دوشوب طلاطمه جسمیم دل و دوداقیم أسر
اوتور یره دولانوم باشیوه علی اکبر
.
.
یتوبدی فرصت اله بزم یار اولوب خلوت
گلین گلن گونومی ایلیوم سنه خلوت
ہو طاقه شالی آقام مرتضا ویروب خلعت
قالوبدى بوقچادا اون دو ققوز ایلدی باغلامشام
سنون عروسوه خاطر بو شالی ساخلامشام
.
.
دیدوم سنه طوی ایدنده امیر ملک حجاز
همان بو معجری قیلّام عروسه پای انداز
نچاره چرخ کمانگر ستم ایدوب آغاز
بویون بلاسین آلوم قسمت اولمادی طویووا
گلوب بو معجرین اوستن یری باخوم بویووا
.
.
نظاره ایلیرم معجر اوسته گل یوزیوه
دانیش فصاحتیله من قولاق ویروم سوزیوه
باشیوا شانه وروم سرمه نی چکوم گوزیوه
بزندیروم سنی قوی دشمنون ملول اولسون
عزیز فاطمه قربانلقى قبول اولسون
.
.
سنون کیمی بالادان حق یولوندا گر گئچورم
سن ئولمه میش یوزه گوزدن سرشک غم توکورم
جوانی ئولموش آنالار بُلر نه لر چکورم
جفاوی چکمیشم اوغلوم دیدوم حلال اولسون
سوزوم که یوخدی بالاگیت سودوم حلال اولسون
.
.
گوروم مداری بوچرخون اوغول خراب اولسون
یاخیندی زلفون على قانلن خضاب اولسون
سپوم بو کاکل مشکین دولی گلاب اولسون
او نوعی زینت ایدوم ای شبیه پیغمبر
سنی گورنده منه غبطه ایلسون هاجر
.
.
بزرگوار خدایا بو نویریمدی منیم
گوزوم آقی قاراسی ماه انوریدی منیم
بیر عمر بسله دیگوم تشنه اکبریمدی منیم
ولی رضا اولورام عازم جدال اولسون
سنون یولوندا فدادور سودوم حلال اولسون
.
.
یاپوشدی اوغلى الیندن گلوبدی لیلی دیله
دیدی جوانلار ئولونجه نولا آنالر ئوله
ویرنمه دوم سنی آخر عروسلن ال اله
کچن گچوبدی گیدک شاه تشنه منزلینه
سنون الیوی بالا تاپشوروم امام الینه
.
.
بزندیریب بالاسین گتدی شاه محضرینه
گهی امامه باخور لیلى ، گاه اکبرینه
گتوردی اکبر الین ویردی شاه دین الینه
ئورک سوزین دیمگه شرم ایدوردی کان حیا
سالوب اشاقه باشین عرض ایدوب غریب آقا:
.
.
سنه فدا من اولوم ای امام جن و بشر
منیم تک اوغلونا هانسی آنا ایدر زیور
بو سن بو من بو بلا دشتی بو علی اکبر
امید ایویمدی اگر اکبر ای شه عطشان
بویتدیگوم بالامی حق یولوندا ویر قربان
.
.
خدا یولوندا اولان بو فدایه آند ایچرم
سنون رضاوه رضایم خدایه آند ایچرم
آنان او حضرت خیر النسایه آند ایچرم
جهاندا اف دیمرم گر ئورکدہ مین داغ اولا
آنان یانندا فقط ایسترم یوزوم آغ اولا
.
.
او وقته نادری محنت قراریمی آلدی
آتا ئوزی بالانون بوینونا کفن سالدى
دیدی اوغول سنی گورمک قیامته قالدى
باخوبلا بیر بیره غم فوجی حدّیدن آشدی
آتا بالا آنا یاننده بیر قوجاقلاشدی
.
.
#اکبریه_نادری
#اکبریه_شهادت
#امامدن_چون_آلوب_اذن_جنگ_علی_اکبر
#ترکی
.
✍️ #زبدةالاشعار ✍️
.
🆔: @nohe_torki
نظر دهید