زبدةالاشعار

امام صادقه آغلا عدو ظلمی عیان اولدی #صادقیه_عدلی_تبریزی

شهادت حضرت امام صادق علیه السلام
.
.
#سبک_علی_اصغر_مه_انور ( 7 سبک)
.
.
حاج اصغر فرشچی (عدلی تبریزی)
.
.
امام صادقه آغلا عدو ظلمی عیان اولدی
اسوب باد جفائیله گل عمری خزان اولدی
یوموب گوز ناطق قرآن
قویوبدی شیعه سین نالان
.
.
ایدوب تفسیرقرآنی نمازی ساخلیوب برپا
مسلمان قشرینه مذهب نهالین ایلیوب معنا
ویروب علامه لرتعلیم اولا شرع نبی اجرا
دایانسون گردش دوران ایشی آه و فغان اولدی
.
.
درِ دانشگه دینه یازون استاد دین ئولدی
گلستان باغبانیدی ولی آفاتیدن سولدی
ویروبلر زهر کین قلبی شرار دردیلن دولدی
اثرسالدی جفا زهری گیدوب سلب توان اولدی
.
.
جسارت ایلدی منصورویروب آفاقه اود سالدی
یدیردوب جبریلن انگورامامدان تاب دل آلدی
امام عصری اولدوردی بالالاری یتیم قالدی
سالوب اود قلب اطفاله وجودی غنچه قان اولدی
.
.
جوار باقر و سجّاد بقیده بو امام یاتدی
اولیدی عالمی ویران گوزوندن عالمی آتدی
گیدوب گورسون نیه زهرا اوگوزیاشین قانا قاتدی
وجودون گرغم آلموشدی ندن قدی کمان اولدی
.
.
ایدوب ایثارجان اولدی محّمد مکتبی احیا
او مکتبدن چخوب دورت مین اولوب استاد دین دانا
بیله دانشگه واستاد گورنمز واردی تا دنیا
ولی افسوس خموش اولدی مزار ایچره نهان اولدی
.
.
بقا یوخ دور بوعالمده بودنیا فانی دور فانی
تمام خلق اولونموشلار گید للرراه عقبانی
خدایه آندولا «عدلی» یوولماز اصغرین قانی
نه ائتموشدی او شش ماهه اونون جانین آلان اولدی
.
.
.
.
.
#صادقیه_شهادت
#امام_صادقه_آغلا_عدو_ظلمی_عیان_اولدی
#عدلی_تبریزی
#ترکی
#زبدةالاشعار

متن پیشنهادی:  سنده اولدی نهضت خونین نمایان کربلا #عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی