«دفن شهدا»
.
✍️ زبدة الاشعار ✍️
?: @nohe_torki
.
شاعر ؟؟؟
.
امام کوفیه بیرده ملالیله گلدی
خدا بیلور نجه گیتدی نه حالیله گلدی
.
یتشدی قافلیه اول امام پاک نسب
گورنده زین العبانی اورکلنوب زینب
.
یواش یواش دیدی ای قارداشیم بالاسی دانیش
گلور حسین ائیی سندن گوزون فداسی دانیش
.
او پاکباز شهیدانی هاردا دفن ایلدون
بیر عده حامی قرآنی هاردا دفن ایلدون
.
یارالی قارداشیمون پیکری نه حالدیدی
عزیز حضرت زهرانی هاردا دفن ایلدون
.
دونن حسین بدنین داشلار آلتدا تاپدیم من
بو گون سن اول گل طاهانی هاردا دفن ایلدون
.
گورونجه کاش ئولیدیم اورگنیون یاراسین
یقین آخوردی گنه قانی هاردا دفن ایلدون
.
قالوبدی کوینگی اللرده یوسف عشقین
تاپوب او پیکر عریانی هاردا دفن ایلدون
.
یغلدی بیر یره ایا وجودی عباسین ؟
بویور او قامت رعنانی هاردا دفن ایلدون
.
نه نوعی باخدون علی اکبرینه جنازه سینه؟
او زیب دامن لیلانی هاردا دفن ایلدون
.
یانور رباب اوتانور اوغلونون یرین سوروشا
دیه سوسوز قوزی قربانی هاردا دفن ایلدون
.
ایکی عزیزه که غارتده قورخودان ئولدی
هایاندا تاپدون او طفلانی هاردا دفن ایلدون
.
بو غمده فاطمۀ نوعروس گریاندور
که جسم قاسم والانی هاردا دفن ایلدون
.
منیم ده ایکی بالام قوملار اوسته قالمیشدی
اولاری سن بی بیون جانی هاردا دفن ایلدون
.
اولار بهانه دی من ایستورم اولام آگاه
امیر لشکر جانانی هاردا دفن ایلدون
.
خدا گواهیدی قلبیم حسین غمینده یانور
او حجت حق سبحانی هاردا دفن ایلدون
.
دانیش گیدنلریمون یادگاری ایتمه سکوت
رئوسی قطع اولان ابدانی هاردا دفن ایلدون
.
.
بو غصه وار یری سجاد قلبینی ایده قان
ویروب تسلی دیه اولما عمه جان نگران
.
.
سوسوز فدالری قانلی مناده دفن ایلدیم
نوائیله اولاری نینواده دفن ایلدیم
.
گل امامتی گوردوم چمنده پرپر دور
در ولایتی خاک بلاده دفن ایلدیم
.
او چولده اهل قبلیه منه کمک گلدی
بو امر واجبه ایتدیم اراده دفن ایلدیم
.
یخلدیقی یری مظلوم امامه قبر اولدی
آتامی قتلگه کربلاده دفن ایلدیم
.
کفن تاپولمادی عمه بابام جنازه سینه
او دوغرانان بدنب بوریاده دفن ایلدیم
.
امام پیکری تجلیلیله گیدر قبره
ولی من ئوز آتامی عمه ساده دفن ایلدیم
.
ساتاشدی گوزلریم اوچ شعبه لی اوخون یرینه
ئوپوب یاراسینی حال بکاده دفن ایلدیم
.
همان اوخون یری قبر اولدی خیردا قارداشما
او طفلی صدر ولی خداده دفن ایلدیم
.
گل رباب یاتوب باغبان قوجاقینده
علی اکبری پائین پاده دفن ایلدیم
.
نه چون که اکبرین اعضاسی قطعه قطعه ئیدی
ایله یارالی وجودین عباده دفن ایلدیم
.
قویاندا قاسمی قبره اوجالدی افغانیم
عموم امام حسن دوشدی یاده دفن ایلدیم
.
چوخ آغلادیم سو کنارینده تشنه سقایه
او عبد صالحی کوی وفاده دفن ایلدیم
.
خدا ئوزی عموم عباسی ایلسون رحمت
که ویردی جان ره صدق و صفاده دفن ایلدیم
.
#دفن_شهدا
#امام_کوفیه_بیرده_ملالیله_گلدی
#لاادری
#ترکی
.
✍️ #زبدةالاشعار ✍️
?: @nohe_torki
نظر دهید