زبدةالاشعار

اماندور بیر ایاق ساخلا دایان دور عمه جان گئتمه #راه_شام_شوری_تبریزی

راه شام
.
#سبک_علی_اصغر_مه_انور ( 8 سبک)
.
مرحوم میرمحمود آقا شوری تبریزی
.
.
اماندور بیر ایاق ساخلا
دایان دور عمه جان گئتمه
یتیمه قیزلاروندان وار
بو چولده بیر قالان گئتمه
.
.
خبر وئر کاروان عمه
دایانسون بیر زمان دورسون
منیم احوالیمه یانسون
او ظالم ساربان دورسون
تماماً قافله اهلین
بیر آز یولدا دایاندورسون
هامی بولسون بیاباندا
قالوب بیر باغریقان گئتمه
.
.
سسیمه وئرمسن گر سس
پناهیم عمه من بولم
قالوب حیران و سرگردان
بو چولده آج سوسوز ئولم
بیر آز مدت ایاق سالسوز
سیزون آردوزجا من گلم
کیمیم وار دردیمه یتسون
سنه وار بیر گمان گئتمه
.
.
قاچوب ساق و صولا عمه
بو چولدن عطریوی آللام
یقین بول یتمه سن داده
جهانه ولوله ساللام
قوری یرلرده جان وئرم
بیابانلاردا تک قاللام
تاپولماز بیر نفر چولده
منی قبره قویان گئتمه
.
.
نجه صبر و دوام ایلوم
فراقوندا دوزوم عمه
بو عالمده منیم سندن
بولورسن وار گوزوم عمه
حضور پایکیوه واردور
یانخلی بیر سوزوم عمه
منیم بو حالیمی گور یان
ایله آه و فغان گئتمه
.
.
دئ شمر نامسلمانه
بو نوعیلن اسیر اولماز
بیله اسلامه کافرلر
اسیر و دستگیر اولماز
دوزن بو چاره سیز درده
صغیر و هم کبیر اولماز
دیزیمده قالمیوب قوّت
وجودیم ناتوان گئتمه
.
.
منیم بو حالیمی گورسن
یانارسان سینه داغلارسان
دیرسن وای بالام ای وای
یانوب دلدن چوخ آغلارسان
بلالی باشیوه ئولسم
دوباره قاره باغلارسان
سولار رنگ پریشانون
اولور قدّون کمان گئتمه
.
.
قویوب گئتدون اوزون الدن
قرار و صبریمی آلدون
دئمورسن بس هارا گئتدون
قیزیم چوللرده تک قالدون
جهت نولدی بی تئزلیقدا
گوزوندن سن منی سالون
منه رحم ایله ای عمه
بیر آز یولدا یوبان گئتمه
.
.
شرار آهیمیلن من
بو گون دنیانی یاندیرّام
مدار قطب امکانی
بو گون ایشدن دایاندیرّام
من ئولم چوللری اما
سنی حیران دولاندیرّام
وجودیمدن تاپانمازسان
بو چولده بیر نشان گئتمه
.
.
یری وار عمه جان عالم
بو حاله سربسر یانسون
آنام زهرا باشین آچسون
بابام خیرالبشر یانسون
آنام یانسون باجیم یانسون
قرا بخت عمه لر یانسون
یانار قلبون سولار رنگون
اوزون ناله کنان گئتمه
.
.
ازلدن مونسیم گر چه
بلا و درد و محنت دور
سوسوز آج تک قالام چولده
بو سنده نه مخبت دور
نظر قیل بیر ولی باخ گور
بو انصاف و مروت دور
نه بیر مونس نه بیر همدم
نه وار بیر مهربان گئتمه
.
.
خبردار اول خانم عمه
یقین گر یتمسن داده
گوزوم یوللاردا جان وئرم
سوسوز آج من بو صحراده
علی اولادینی جمع ائت
عزایه سن اول آماده
کفن سیز گون قباقینده
قالور بو جسم جان گئتمه
.
.
یری واردور دئسم زینب
دلین بو غصه یاندیردی
خانم بیر گوزلرین حیران
او صحراده دولاندیردی
تاپوب قارداش باشین ناگه
جدا اوسته دایاندیردی
دئدی قارداش یامان گوندور
اماندور بیر دایان گئتمه
.
.
سنا ن و شمر بد فطرت
گوزونده گوئیا اوخدور
بو داغلی سینه ده اما
ملال و محنتیم چوخدور
باشیما کول اولا قارداش
بالالاردان بیری یوخدور
توجه قیل آنام اوغلی
او طفلی وئر نشان گئتمه
.
.
نه بیر حرمت قویان واردور
نه جرأت واردی بیزلرده
اوزون فرمایش ائت لشگر
تاپولماز رحم سیزلرده
دئمورسوز بو کسیک باشین
بلاسی قالدی چوللرده
اوتان خلاق اکبردن
حیا قیل ساربان گئتمه
.
.
نه نوعی دونمه سون قانه
منیم قارداش بو گوز یاشیم
نه فریاده گلن واردور
نه واردور قوم و قارداشیم
خبر ایله سن امداده
گله ماه بنی هاشم
دئ زینب حالینه قارداش
تاپولماز بیر یانان گئتمه
.
.
قصوریم اولدی خدمتدن
بو قسمتدن واریم خجلت
منی کول باش گونی قاره
نجه بس ایلدیم غفلت
سکینم قالدی چوللرده
حسین جان قوی منه منت
یول اوسته قافله اهلین
دایاندور بیر زمان گئتمه
.
.
دولاندیر گوشۀ چشمون
سولان گول یوزلره بیر باخ
باخاندا گوز یاشون آخسون
یوزه دنیانی یاندیر یاخ
باخوب زینب سنه یانسون
دئسون دلدن حسین جان آخ
نزول ائت نیزه دن منلن
بو صحرانی دولان گئتمه
.
.
باجون زینب حسین قارداش
قالوب حیران و سرگردان
منیم احوالیمه یوخدور
یانان باری باخوب سن یان
نقدر سسلرم آرام
گئدون ای لشگر عدوان
منه ای ساربان رحم ائت
بالام قالدی امان گئتمه
.
.
حسین جان پاسبانیمدور
بو یولدا شمر بد اختر
نه بیر حرمت قویار قارداش
منه نه اعتنا ایلر
اسیر شمر اولان زینب
اوزون باخ گورگیلن نیلر
من نالانه چوخ زحمت
وئرور شمر و سنان گئتمه
.
.
نظر «شوری» توسلدن
سنون بیر نچه حاجتدور
ولی عمده اورک دردون
بو جمعیلن زیارتدور
اولور آیا گوراخ بیرده
او گوندور یا او ساعتدور
دیم قبر حسیندور بو
دایاندور نوحه خوان گئتمه
.
.
.
.
#راه_شام
#اماندور_بیر_ایاق_ساخلا
#شوری_تبریزی
#ترکی
#زبدةالاشعار

متن پیشنهادی:  نچّه ایللر آختاروب بیر نازلی دلبر تاپمیشام #حیدریه_نظمی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی