زبانحال حضرت امام حسن مجتبی علیه السلام
.
✍️ زبدة الاشعار ✍️
.
🆔: @nohe_torki
.
مرحوم سیّد موسی موسوی صاحبزمانی چایچی
.
اماندی ای آنام باجی، آلیشدی لبلریم یاندی
حسینی باخبر ایله، دلیم زهریله دوغراندی
.
.
.
قرار و صبریمی الدن گینه زهر جفا آلدی
دولاندی گردس ایّام سنی درد و غمه سالدی
ایچنده بو سویی بولدوم که اطفالیم یتیم قالدی
دایانما غمکش دوران سراسر جسمیم اودلاندی
.
.
.
خبر ویر قاسمیم گلسون قالوب یولدا گوزوم زینب
ایدوم نچّه وصیّتلر اونا بیر بیر اوزوم زینب
ایدر درد و غمین زائل اونون سرّی سوزوم زینب
یتیمدور قلبین اینجیتمه سنه سرّیم نمایاندی
.
.
.
بو عبداللهیلن قاسم حسینیمدن کنار اولماز
نه قدری سن حسین وارسوز گل باغ حسن اولماز
آتادور قارداشیم زینب بالامی هیچ یتیم قویماز
هر ایکی نور عینیمده حسینه بول که قرباندی
.
.
.
سرشکون توکمه رخساره دایان صبر ایت اول آماده
حسینیم صاقدی یازینب بو نوعی گلمه فریاده
آچوب باش زلفیوی یولما امان باجی بو اثناده
آنام زهرا کیمی صبر ایت که صبرون وجه ایماندی
.
.
.
عراقه اولمیوب عازم باجی زینب بنی هاشم
دایان شکر ایله سن واردی یانیمدا یتدی قارداشیم
اگرچه اولموشام مسموم جدایه گیشمیوب باشیم
ولی تابوتیده جسمیم گوررسن تیره باراندی
.
.
.
منه هرقدر ظلم اولسا حسینیم صبر ایدوب باخسون
کفنده قبریم اوستونده قزل قانیم گرک آخسون
مبادا قارداشیم عبّاس اله شمشیر کین آلسون
بو حالیم روز محشرده الیمده بول که عنواندی
.
.
.
نه قدری من چکم زحمت حسینیم چوخ مقدّمدور
نجه تقریر ایدوم حالین جلال و جاهی برهم دور
اوزوم زهر ایچمیشم هرچند گوزومده او مجسّمدور
سنه چوخ دردسر ویردیم زبس حالیم پریشاندی
.
.
.
چتیندور اول زمان آخِر حسینیم امتحان ویرسون
ال اوزسون اهل بیتیندن تمام عشقین نشان ویرسون
سوسوز یتمیش ایکی قربان باجی جانانه جان ویرسون
نه قدری آغلاسان اوندا یقین بول جای نقصاندی
.
.
.
«سید» بو سوز نجه سوزدور توکر اشک تری گوزدن
یقین صاحب عزا دویماز بیله نسگلّی بیر سوزدن
آناسی فاطمه کسمز بیر آن لطفین یقین بیزدن
بو گوز یاشلارینا قیمت ویرن اول شاه ذی شاندی
.
.
#سبک_علی_اصغر_مه_انور ( 8 سبک سینه و زنجیر)
.
.
#حسنیه_شهادت
#اماندی_ای_آنام_باجی_آلیشدی_لبلریم_یاندی
#صاحبزمانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید