شهادت حضرت علی اصغر (ع)
قسمتی از متن
متن کامل در هشتک زیر
#فقیر_عشق_که_مداح_مدح_مولادور
.
✍️ #زبدةالاشعار ✍️
.
🆔: @nohe_torki
.
مرحوم شأنی تبریزی
.
امان او وقتدن حسین آلدی اصغرین الینه
گورن دئدی گون الی اوسته بیر ثریّادور
.
سوسوزدی لیک سووا میلی یوخ اوخ آختاروری
جان الده مجلس جانانه راه پیمادور
.
دئدی جماعت اولور اوچ گون اوچ گجه بو بالام
سوسوز قالوبدی عموسی اگر چه سقّادور
.
ولی نه قایده سیزدن اولان شقاوتدن
اودا سو اوسته قطیع الیمین و یسرادور
.
سالوب شرار عطش جانینه شرر یانوری
سولوبدی غنچه دوداقی اگر چه حمرادور
.
ندور گناهی بونون سود امردی دیلسیزدی
طرف منم سیزه قصدوز منیله دعوادور
.
ائشیتمدی سوزینی کینه دن او تشنه لبون
اولا که مَشرَب دنیائیله سُکارادور (4)
.
حیاسیز حرمله باخموب پیمبر اوغلودی بو
آتاسی شیر خدادور آناسی زهرادور
.
قویوب کمانه بیر اوچ شعبه سهم مسمومی
نجه دیوم دئماقا هانسی دیلده یارادور
.
دگنده اوخ گوزینی آچدی باخدی بیر گولدی
که یعنی اوخ منه سوددن سودان گوارادور
.
اگر چه زهریله سیراب دور بو اوخ امّا
وفا یولوندا یتوب حلقیمه چوخ اَحلادور (5)
.
امام او قانی دوتوب اوجونا گوگه سپدی
وار ایمدیده گورر هر گون او گوز که بینادور
.
اوتاندی خیمیه گئتسون بولوردی خیمه ده چون
چوخ انتظار بنات بتول عذرادور
.
الینده اصغری گلدی جنازه لر اوسته
گوروب او عرصه عجب گلشن دلارادور
.
بهشت عدنیدی گویا او قان دولان صحرا
یاتان قوم اوسته باتان قانه پیر و بُرنادور
.
دوشوب او دشتیده باشسیز جنازه لر گویا
منای عشق وفا روز عید اضحادور
.
دئدی دورون آلون الدن بالام جنازه سینی
کومکسیزم گوروسوز شهریار تنهادور
.
گئدون کفن گتورون دفن ائدون بو گل بدنی
بو رسم و قاعده چون شیوۀ احبّادور
.
نجه حسینه اولاردان جواب اولور بیرده
که یوخدی جسمده جان پاره پاره اعضادور
.
یازیلّا بعضی آپاردی خیامه اصغرینی
بیر آیری طرزیله بعضی کُتُبده طُغرادور
.
سعادتینده بئله نقل ائدوبدی دربندی
اونون روایتی اغراقدن مُبرّادور
.
غلاف تیغیله حفر ائتدی بیر کیچیک گودال
قویوب بالاسین او یر کیم شریف غبرادور (6)
.
قوییدیلر اونی ای کاش هامن او مدفنده
اولنمییدی او ظلمیکه ظلم اخرادور
.
حسین او گونکه گون اوچ دفعه قان گوگه سپدی
بیری بو قان بیر خون شبیه طاهادور
.
او ساعتیکه اوغول باشینی آلوب دیزینه
گوزینده اشک بصر دلده وا علیّادور
.
دوتوب یارالارینون قانینی سپردی گوگه
که یعنی فدیۀ حق بو جوان رعنادور
.
بیریده اوندا که جسمی اوخیلا دولموشدی
گورن دیَردی که بال و پر آچمیش عنقادور
.
عزیز شاه ولا سجده گاهینه بیر داش
ووروب بیری او سپهدن که بی تولادور
.
داشین یریندن آخوب قان بویاندی قانیله
او یوز که نور خدا اوندا پر تجلّادور
.
گوتوردی دامن پیراهنین او قانی سیله
بولود دا قلامیا گوندن او یوز که زیبادور
.
همان عمل ولی کامه یتوردی حرمله نی
بو چرخ سفله بلی خیر خواه ادنادور (7)
.
قویوب کمانه او اوچ شعبه لی اوچومجی اوخی
قلم حیا ایله گر چه او بی مهابادور
.
اوچومجی قاندا بولوندی که هانسی بیر قاندور
هنوز ایمدیده زیب سپهر مینادور
.
(4)سکارا : مست
(5)احلا : شیرین
(6)غبرا : روی زمین – خاک
(7)ادنا : پست
.
.
#اصغریه_شانی_تبریزی #اصغریه_شهادت
#امان_او_وقتدن_حسین_آلدی_اصغرین_الینه
#شانی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید