انسان تاپار مقام عبادت نمازیله #نماز #احمدیان_خسروشاهی

نماز
.
✍️ #زبدةالاشعار ✍️
.
🆔: @nohe_torki
.
حاج اصغر احمدیان خسروشاهی
.
انسان تاپار مقام عبادت نمازیله
امرخدایه ایلر اطاعت نمازیله
.
دینون ستون دینی برادر نمازیدور
اولموش بودین وشریعت نمازیله
.
ای تارک صلات ئوزوی سالما زحمته
ائتمه بوقدری وکین وعداوت نمازیله
.
محشرگونی سوال اولی اول نمازیدن
وار بیرحساب روز قیامت نمازیله
.
واردور حدیث مومنه معراجدور نماز
ایلر عروج عرشه اوساعت نمازیله
.
الله یانوندا واردی چوخ عالی فضیلتی
چوخلارتاپوبدی راه سعادت نمازیله
.
محراب کوفه ده بویانوب قانه مرتضی
مسجدده تاپوب فیض شهادت نمازیله
.
اوغلی حسین ده دشت بلایاده تشنه لب
دین مبینه ائتدی حمایت نمازیله
.
دشمن آتاردی اوخلاری حال قیامیده
ترک ائتمدی بولونسون حقیقت نمازیله
.
ظهرزمانی قویدی یوزون قانلو توپراقا
اهل نمازه ویردی شرافت نمازیله
.
ای احمدیان ایله عمل واجباته سن
محشرده ایله اخذ شفاعت نمازیله
.
#انسان_تاپار_مقام_عبادت_نمازیله
#ترکی
.
✍️ #زبدةالاشعار ✍️
.
🆔: @nohe_torki