#انصافدور
از
مرحوم #دخیل
#انصافدور_حریم_حرم_محترملری
.
#ذهنی_زاده
#انصافدور_که_فاطمیه_مهر_اولان_فرات
.
حاج #مجید_امینی_تبریزی
#انصافدور_حسین_کیمی_شاه_عظام_اولا
در موضوع #فرات #غارت_خیام #حسینیه_شهادت #قتلگاه
.
.
✍️ #زبدةالاشعار ✍️
.
🆔: @nohe_torki
.
✔️ حاج #مجید_امینی تبریزی
.
انصافدور حسین کیمی شاه عظام اولا
لیکن قتیل فرقه ی بی ننگ و نام اولا
.
انصافدور حسین کیمی بیر گل اولا خزان
ظلمیله اهل بیتی اسیر لئام اولا
.
انصافدور که داعی حقّ و حقیقته
بی حرمتی خدا عوض احترام اولا
.
انصافدور او تشنه جگر بیر کمکسیزی
قتله یتورماقا بو قدر اهتمام اولا
.
انصافدور رقیّه قالا خیمه ده سوسوز
سیراب آبدن ولی قوم ظلام اولا
.
انصافدور رباب دیه لایلای اصغره
بیر شربه آبه حسرت او ماه تمام اولا
.
انصافدور خانم بالالار یوز یوزه قویا
سور عطشدن هر بیری خشکیده کام اولا
.
انصافدور فرات اولا چوللره روان
محروم اوندان عترت خیر الانام اولا
.
انصافدور سکینه دیه یاندیم ای عمو
عبّاس نامدار الینده حسام اولا
.
انصافدور گل اوزلی اوشاقلار سولا تمام
خاموش هر هزاره ی شیرین کلام اولا
.
انصافدور او صاحب حشمت حرملره
نه خیمه لرده سو تاپولا نه طعام اولا
.
انصافدور که لیلی دیه وای جوان اوغول
اکبر غمینده قلبی اونون بی دوان اولا
.
انصافدور حسین وطنین ترک ایدوب گیده
پیغمبرین بالاسینا چوللر مقام اولا
.
انصافدور نوایه گله زینب حزین
آهو کیمی خدنگ بلیّاته رام اولا
.
انصافدور حسین قالا بی یاور و معین
قان دجله سینده غرق او قاره غلام اولا
.
انصافدور که باغلیه صیّاد اللرین
آل علی ستمله گرفتار دام اولا
.
انصافدور او قدر دگه نیزه و سنان
شاه شهیدین اوخلارا جسمی نیام اولا
.
انصافدور که بیر نفری ایتماقا شهید
بو قیل و قال و کشمکش و ازدحام اولا
.
انصافدور حسینه حمایت ایدن زمان
مجروح قتلگهده او دخت امام اولا
.
انصافدور حسینین اولا نهب خیمه سی
غارتده اهل بیته قیامت قیام اولا
.
انصافدور حسینی قویا بی کفن عدو
گوندوز گوزونده زینبینون تیره شام اولا
.
انصافدور اوشاقلاری دویماق او طرزیله
بدر و احد اُلنلرینه انتقام اولا
.
انصافدور یزید ویره امر لشکره
جور و جفانی قویمیالار اختتام اولا
.
انصافدور بلالی خواتین عصمته
گه کوفه شهری مسکن و گه شهر شام اولا
.
انصافدور او قلبی یانان نازلی قیزلارا
شام اهلینون شماتتی بیر التیام اولا
.
انصافدور رقیّه ویره جان خرابه ده
دنیا نه قدری وار اونا ویران منام اولا
.
انصافدور امینی یازا نوحه روز و شب
امّا حسین مزارینه حسرت مدام اولا
.
انصافدور رفیق اولاسان احتسابیله
اشکیله گوزلرون دولا مانند جام اولا
.
صدقیله ایستیون که نصیب ایلسون خدا
مدفن سیزه اُلنده ده دار السّلام اولا
.
.
.
✍️ #زبدةالاشعار ✍️
.
🆔: @nohe_torki
نظر دهید