زبدةالاشعار

انوار حق اولموش گینه تابنده قربان بایرامی

#عید_قربان
.
✍️ زبدة الاشعار ✍️
?: @nohe_torki
.
سیدی زنجانی
.
انوار حق اولموش گینه تابنده قربان بایرامی
ابلیس بد فطرت اولوب شرمنده قربان بایرامی
.
قربان کسوبلر حاجیلر بزم صفا ایجاد اولوب
معناده نفسین ئولدوروب هر فتنه دن آزاد اولوب
زوّار بیت اللهیدی مؤمنلری، دلشاد اولوب
تابموش هوای معنوی هر بنده قربان بایرامی
.
انسانلارا لطف ائیلیوب الله چیخوب اندازه دن
قرباندا انسانلار تاپار جانی دوباره تازه دن
بو لطفه بیر آن فکر ائله رد اولماز هچ دروازه دن
حمد و ثنا خلّاقه دی زیبنده قربان بایرامی
.
اوللار که من تک فکر ائدور پرونده سی سنگین دی
جرم خطادور یکسره عصیانیله رنگین دی
هی تنبیه ایلور نفسینی صبح و مسا غمگین دی
جرم وخطادن پاک اولار پرونده قربان بایرامی
.
قرباندا انسانلار یقین جرم و خطادن پاک اولور
ابلیس نفسین بوقماقا آماده سینه چاک اولور
شیطانی رسوا اِتماقا بی واهمه بی باک اولور
انسانلاری اولموش دئین رزمنده قربان بایرامی
.
بعضی ولی حسّاسیدی قلبینده بیر سیره چیخار
بغض و حسادت سویلویر قلبی ریائیله سیخار
الله الیمدن دوتماسا شیطان بو انسانی یخار
جوینده لر یابنده دی یابنده قربان بایرامی
.
ابراهیمه قربان اولوم رسوا بو شیطان ایلدی
حقدن اطاعت ایلییوب طاعتده طوفان ایلدی
اسماعیله مین جان دئدی اللهه قربان ایلدی
اسماعیلی پاینده دی هم زنده قربان بایرامی
.
قربانلیقین بیر سرِّدی انسان حلال حیوان کسه
ذبح ایلییه گاو و شتر یا بیر قوزی قربان کسه
بیر سرِّ اعظم، نفسیلن پیکار ائده هرآن کسه
چیخ سن جهاده نفسیله کوبنده قربان بایرامی
.
من عشقیله یازدیم سوزی پاک منزه عاشقه
اوللار که العفو سویلویوب جرم و خطای سابقه
لطف و عنایت ایلییر حق بنده گان صادقه
انسانه سوز ارزنده دی ارزنده قربان بایرامی
.
انسان که پاک اولسا یقین مینلر ملکدن باش اولار
خشتی طلای ناب ائدر الماس اونا هر داش اولار
عمار و مالک له گزر سلمان اونا قارداش اولار
گون تک اولار بو انسانا رخشنده قربان بایرامی
.
ای «سیدی» آلسان صله دئی راه روشن گوستریم
گتمه کویر ظلمته گَل باغ و گلشن گوستریم
من نفس پاکم انسانا تقوانی روشن گوستریم
تقوادی انسان، انسانا سازنده قربان بایرامی

متن پیشنهادی:  ای چرخ فلک تازه جگر داغلیاجاقسان #زینبیه_نادری

.
#انوار_حق_اولموش_گینه_تابنده_قربان_بایرامی
#سیدی_زنجانی
#ترکی
.
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی