انا کلب العباس …
.
✍️ زبدة الاشعار ✍️
?: @nohe_torki
.
محمدعلی مصیبی تبریزی
.
اهل عالم ائشیدون سوزلریمی
اشک محنتدی دوتوب گوزلریمی
.
باخوب عشقه هوسی ئولدوررم
سرّ عشقی هامیا بولدوررم
.
سائلم ، سائل کوی نبوی
اولموشام مست ِ می ِ مرتضوی
.
کینه و کبر و ریادن بری یم
ایکی عالم ده حسین نوکری یم
.
تا گوز آچدیم بو فنا دنیایه
بیر نوا قلبیمه سالدی سایه
.
آنامین عشقی منی یاندیردی
یاحسین زمزمه سین آندیردی
.
گجه لرذکریم حسینیم وای اولوب
آقامین ذکری منه لای لای اولوب
.
آل طاهایه ئورک بسله میشم
گجه گوندوز آقامی سسله میشم
.
گون گئچوب دست قضا ووردی رقم
موسم مدرسه و مشق و قلم
.
بار اوّل اله آلدیم قلمی
یاده سالدیم قولی،مشکی،علمی
.
دفتر عشقیده چوخ بااحساس
بئله یازدیم ((انا کلب العباس))
.
کیم سئوال ائتدی منیم عشقیمدن
پاسخ آلدی گوزیمین اشکیندن
.
گوزیاشیم جلوه گه رازیمیدی
آقامین عشقی منه لازیمیدی
.
یاحسین زمزمه سی ذکریم اولوب
کربلا همهمه سی فکریم اولوب
.
گون اوگون اولدی سرافرازاولدوم
ارتش حیدره سرباز اولدوم
.
دفتر عشقیده آدیم یازیلوب
مرتضی اوغلونا خادیم یازیلوب
.
اولموشام مست ، می ِ عترت دن
گوردیم آموزشیمی هیئت دن
.
منتسب دی آقاما بو هیئت
کیم دخیل اولدی آلوبدور حاجت
.
پادگان اولدی منه کرب وبلا
اولموشام پیرو خط ّ شهدا
.
بوردا سرلشگریم عباس آقادی
صاحب و سروریم عباس آقادی
.
هر طرفدن اسوری پرچم عشق
درده درماندی فقط مرهم عشق
.
قلبی تقدیم ائله میشدیم یاره
رنگ پیراهنیم اولدی قاره
.
یدیمینجی گونیدی گوردیم من
سویی بوردا ائلیوبلر قدغن
.
کیم بو درگاهه گله منّتی یوخ
تشنه لب وئرمسه جان قیمتی یوخ
.
درجه وئردی منه عباسیم
عالمه اود ووراجاق احساسیم
.
بو چولون وردی فقط یا رب دی
اسم شب هر گجه یا زینب دی
.
تا قیامت ائدرم من خدمت
تا قوجاللام بوکولر بو قامت
.
کیم حسینین قاپوسیندا قوجالار
آند اولا حیدره شانی اوجالار
.
کیم حسینین قاپوسیندا سورونر
جامۀ مهر ولایه بورونر
.
هرکیم عاشق دی حسین مکتبینه
گرک اوّل باش اگه زینبینه
.
پیرو راه حسین ابن علی
وئرمز اهریمنیلن بیعت الی
.
کیم بو دنیاده حسین سیرتدی
قبرین اوّل گجه سی راحت دی
.
کیم حسینین سسینه سس وئردی
امتحانین نه گوزل پس وئردی
.
کیم مدد آلدی حسین آدیندان
مطمئنّا گئچر هر زادیندان
.
کیم حسین نوکرینه نوکردی
ایکی دنیا آقادی سروردی
.
کیم حسینین آدینی باور ائدوب
بو آدی قبر ائوینه زیور ائدوب
.
راه ناحقی گرک ترک ائلیه
کیم امان نامه سوزین درک ائلیه
.
من بو یولدا جانیمی بذل ائدرم
جان به قربان ابوالفضل ائدرم
.
سروقامتدی آقام عشق اولسون
باب حاجتدی آقام عشق اولسون
.
ای«مصیب»سوزیوی یاره دئنن
دردیوی سرور احراره دئنن
.
کربلا حسرتی اود ووردی دله
یری واردور ائلیم بیرده گله
.
زادۀ حیدر کرّار عبّاس
اولموشوق درده گرفتارعبّاس
.
گرچه نالایقوخ اما آقاسان
نولی بو مجمع عشقه باخاسان
.
گل ، ئورک دردینه درمان ایله
کربلانی بیزه احسان ایله
.
#ورود_محرم
#عباسیه_مدح
#اهل_عالم_ائشیدون_سوزلریمی
#مصیبی_تبریزی
#ترکی
.
✍️ #زبدةالاشعار✍️
?: @nohe_torki
نظر دهید