زبدةالاشعار

اهل عالم سالک حق دین حقه جانفدایم #حسینیه_عدلی_تبریزی

حسین نامی ترین نام تاریخ

.
✍️ #زبدةالاشعار ✍️
.
🆔: @nohe_torki
.
حاج اصغرفرشچی (عدلی تبریزی)
.
#سبک_ای_ویرن_ویرانه_یرده #سبک_گلپونه_ها و ….
.
اهل عالم سالک حق دین حقه جانفدایم
ناشردین پیمبر جانشین مجتبایم
چهره پرداز ولایت نورچشم مرتضایم
رمز و راز آفرینش عالمینه مقتدایم
فاطمه اوغلی حسینم من شهید کربلایم
اهل عالم اهل عالم
.
.
من کیمم عهد السته مست می سرّمبینم
روح قرآن مجیدم دین و قرآنه مُعینم
نوروم الله نوری نورِآسمان وهم زمینم
ایچمدیم آب فراتی من اوزوم ماء مَعینم
فاطمه اوغلی حسینم من شید کربلایم
.
.

متن پیشنهادی:  دین اوسته هر کیم ئولسه تا روز محشر ئولمز #کاظمیه_انور_اردبیلی

من هامی آزاده گانه مقتدایم پیشوایم
سینۀ سیناده نورم نورمُصباح الهُدایم
بدرخلقت ” نورعزّت ” خلقتیمده ابتدایم
ناطق قرآن مُنزَل حجت و خون خدایم
فاطمه اوغلی حسینم من شهید کربلایم
.
.
من کیمم شمس ولایت من کیمم ماه تمامم
من کیمم صبرم ثُباتم من کیمم خونم قیامم
من حطیمم رکن کعبه من حَجَر صاحب مقامم
من رکوع وهم سجودم من صلاة وهم صیامم
فاطمه اوغلی حسینم من شهید کربلایم
.
.
من کیمم من کعبۀ عشق زمزمم سعی وصفایم
باغبان باغ قرآن گلشن عشق و وفایم
جسم قرآنه ویرن جان من ذبیحاً مِن قفایم
باء بسم الله آتامدی من گواه قل کفایم
فاطمه اوغلی حسینم من شهید کربلایم
.
.
من کیمم زهرایه وارث زینت دوش پیمبر
من کیمم انجیل وتورات رهرواسلامه رهبر
من کیمم ششماهه اوغلوم غنچه لیقدا اولدی پرپر
دین یولوندا دوغرانوبدی اکبریم اخلاندی اصغر
فاطمه اوغلی حسینم من شهید کربلایم
.
.
خونبهام الله اولوبدی قان جهان آرا اولوبدی
من امام اوغلی امامم مادریم زهرا اولوبدی
انقلابه ال ویران گون روزعاشورا اولوبدی
غارت اموال اولاندا محشرا کبرا اولوبوی
فاطمه اوغلی حسینم من شهید کربلایم
.
.
من کیمم بنیانگذار مکتب راه سعادت
ویرموشم اهل جهانه درس همّت هم سیادت
اولموشام دنیا یوزونده قرن لر نور هدایت
پیر درباریمدی (عدلی) رهرو راه ولایت
فاطمه اوغلی حسینم من شهید کربلایم
.
.
#حسینیه_عدلی_تبریزی
#حسینیه_مدح #حسینیه_شهادت
#اهل_عالم_سالک_حق_دین_حقه_جانفدایم
#ترکی
.
✍️ #زبدةالاشعار ✍️
🆔: @nohe_torki

متن پیشنهادی:  اذیّتی گونون اولماز مزارده یاتانا #حسینیه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی