غارت خیام
.
✍️ زبدة الاشعار ✍️
.
🆔: @nohe_torki
.
هدایتی تبریزی
.
اهل ولایه سئل کیمی درد و بلا گلیر
هر سمتدن روانه اولوب ابتلا گلیر
.
هر امتحاندا باشی اوجا امتحان ویریر
محبوبدن ندای خوش مرحبا گلیر
.
عشق آشناسنین هامی دهر آشناسدی
بیگانه یوخدی ، عاشقه دهر آشنا گلیر
.
یومسا گوزون وراء طبیعتده سیر ایدیر
الهام اولور قولاقنه غیبی صدا گلیر
.
حکمت جوشور ئورکده دلینده روان اولور
هر سوزباشی کلامینه لفظ خدا گلیر
.
عشق عالمنده کیمدی کی کامل عیار اولا
تنها خیاله پادشه کربلا گلیر
.
پیغمبرین شبیهنی گوندردی مقتله
شرح اولسا ماجراسی نوا برملا گلیر
.
تیغیله بندبند اولونوب سرو قامتی
یوخ صاف یئری ، سولوب ، یارا اوستن یارا گلیر
.
هاردان یاپشدی اوغلونا ویرسین تکان بیر آز
گوردی آچلدی یاره لریندن دما گلیر
.
ناچار اولوب عبایه یغیب گل جنازه سین
هانسی آتا بئله محنه مبتلا گلیر
.
کیمدی بالاسی اللری اوستونده اوخلانا
اولمور آلانی لفظنه یا شیعتا گلیر
.
عبّاس تک برادری کیمدیر فدا ویره
آتدخجا هر قدم دلینه وا اخا گلیر
.
هردن دئیردی قربانین اوللام ایاقه دور
ایندی فغانه عترت خیرالنسا گلیر
.
الده سو جامی گوزلوری عطشانلاریم سنی
تنها سنه بو دشت بلاده رجا گلیر
.
چارم آزالدی ، سندی بئلیم ، قطع اولوب امید
اولموش جری جسارته اهل جفا گلیر
.
کیمدیر حسین کیمی یخلا قانلی مقتله
دگدیقجا یاره جسمینه دلده ثنا گلیر
.
لبلر یارا ، جبین یارا ، اللر یارالیدی
اوخ یاره سی ئورکده ویریر انجلا گلیر
.
یاخمش جمال انورینه قلبنین قانین
قانی آخیر یارالارنین هٰکذا گلیر
.
باشی کسیلمه مشدی هله گوردی اشقیا
اخیام طاهراته طرف سویماقا گلیر
.
غارت هواسی باشنه وورموش بیر عدّه نین
سویسون حریم عصمتی قوم دغا گلیر
.
آتلار قاباقنا سالا آل پیمبری
الده سلاح و قمچی لری اشقیا گلیر
.
اوضاع حشردی وورولوب خیمه گاهه اود
شعله ایچنده ناله وا غربتا گلیر
.
بعضی بالاسنی آنا سسلر قاچا قاچا
دورما ، دایانما ، قاچ بالا اهل خطا گلیر
.
بعضی دلینده وای بالا وای خیمه دن چخیر
گوز یاشی گوزلریندن ئوزه سیل سا گلیر
.
بعضی قولاق یارالیدی گوشواره سی گیدیب
ایلیر نوا ، نوایه دل نینوا گلیر
.
بعضی دئیردی اوغلوم ئولوب منده کاش ئولم
منله بلا قدم گوتوروب پا به پا گلیر
.
بعضی دئیردی قاره گونوم تازه باشلانیب
اخیام طاهراتی ستمگر سویا گلیر
.
زینب گوروبدی اوددا قالیب زین العابدین
هردن صدای عابد آل عبا گلیر
.
بیر یا علی دئییب ئوزونی ووردی شعلیه
بیردن گوروندی خیمه دن عمه بالا گلیر
.
مشکلدی زینبین ایشی مین دردی وار هله
هئچ بیلمیرم هارا گئدیر آیا هارا گلیر
.
بعضاً چخاردی تلّه حسیندن خبر بیله
دلده نوا گورردیلر اول بینوا گلیر
.
هردن دئیردی باجون ئولیدی هایانداسان
هردن دلینده کلمهٔ وا ضیعتا گلیر
.
قارداش خیامی اودلادی دشمن هرایه گل
مشکلده باجی ، قارداشی مشکل گشا گلیر
.
زینب قالبدی مشکل حصارنده داده گل
بیر کربلا بلاسی منه جابجا گلیر
.
ایستی هوا ، سوسوز بالا ، صحرای سوزناک
آتلار دؤشونده قاچماقا مشکل دوتا گلیر
.
بعضی دورور نفس آلا یا دنجله بیر آز
ناچار اولور قاچا گوروری آتلی تا گلیر
.
بعضی سی اود دوتوبدی یانیراودلو دامنی
نه دادینه بی بی نه باجی نه آنا گلیر
.
سویقونچی بعضینی سویوری آغلییر ولی
هر با حیانی سویماقا یوز بی حیا گلیر
.
اوضاعی کیم مجسّم ایدر یابن العسگری
اوضاع حشردنده چتین ماجرا گلیر
.
بیر زینبین باشندا نقدری بلاسی وار
هر سمتدن هرایه یئتیش عمتا گلیر
.
الله یامان گونی نه چتین اولدی زینبین
هر یاندان اوستونه ستم ناروا گلیر
.
تک خیمه سین یوخ ، عمرونی ده غارت ائتدیلر
هئچ کیم او ظلمه تاب ایلمز ادّعا گلیر
.
قوللار گویردی جسمی اولوب نیلی قمچیدن
امّا گئنه تلاش ایدیر اول جانفدا گلیر
.
کیم غشّ ائدیر ئوزون یئتیریر باشی اوستونه
نازین چکیر ، نوازش ائدیر ، درد آلا گلیر
.
بسدیر (هدایت) آغلاسا عرش اهلی وار یئری
زینب غمنده نالیه اهل سما گلیر
.
.
#غارت_خیام #هدایت_تبریزی
#اهل_ولایه_سئل_کیمی_درد_و_بلا_گلیر
#ترکی
.
✍️ #زبدةالاشعار ✍️
.
🆔: @nohe_torki
نظر دهید