شجاعت حضرت رقیه (س) در مقابل دختر یزید
.
✍️ #زبدةالاشعار ✍️
.
🆔: @nohe_torki
.
مرتضی اسکندری (ساعد زنجانی)
.
اوتدوقی یردن ایاقه دوردی بیردن قهریله
سسله دی چیخما ئوزوندن بی مروت صبر ایله
هانسی مهمانه ووروبدور میزبانلار سلسله
داغدیده عمه مون قلبون گینه داغ ایله دوز
عار اولا فرهنگوزه شیطان اوزون آغ ایله دوز
.
.
زادۀ ملعونه سن سن خارجی یا اهلبیت
معدن ایمان و تقوادور سراپا اهلبیت
شرم ایله ایتمه بو قدری دشمنی با اهلبیت
فانی دنیا عشقینه بیر بیله طغیان ایله دوز
حاکم میخواره نی دینه نگهبان ایله دوز
.
.
دین اسلامی حسینون قانی احیا ایله دی
ایتدیگی پیمانی ئوز قانیله امضا ایله دی
مرحبا عباسه عاشوراده غوغا ایله دی
گیت یزیده ویر خبر واردور قاباقدا زلزله
تاج و تختین گوز یاشیملا بیر گیجه ویرّم سیله
.
.
من معلم سیز علوم دینه دارایم تانی
زینت افزای وجود آل طاهایم تانی
برتر از آسیه و حوا سارایم تانی
ایندی باخما بی کس و بی یارم ای زالو صفت
گل منیم دانشگهیمده ایله کسب معرفت
.
.
آلانوبسان اولمیا بوینوندا گردنبندیوه
هیچ یاراشمور رنگ زردون طعنه لی لبخندیوه
فکر ایدورسن زادۀ زهرا دوشوبدور بندیوه
من اسیرم نه سیزون تک قان ایچن زالولره
ویرموشم دل نیزه باشینده اسن گیسولره
.
.
ذات حق نسوانه ویرسیدی امامت منصبی
صبریده اول امام ایلردی عمم زینبی
قول قولا ویرّم بیبیمله ساخلارام بو مکتبی
قبریمه سوغات آپارام پیکر صد پاره نی
گوشوار عرش حقم نیلورم گوشواره نی
.
.
من شهید کربلانون زینت دامانیم
سن اولان یرده چتین شیطانه نفرین ایلیم
ویرمرم باج اکبرین تک تا نقدری زندیم
ذلته باش اگمرم عزت مرامیمدور منیم
نیزده معراج ایدن سلطان امامیم دور منیم
.
.
آند اولا شاه شهیدانون مطهر قانینه
خیزرانیله قانا باتموش لب و دندانینه
دختر شیر خدانون سینۀ سوزانینه
اصغرون قنداقه سیندن شال ماتم بیچمیشم
ظالمه یالوارمارام من اکبره آند ایچمیشم
.
.
سن یزیدون فخرایدورسن تاج و تخت شاهینه
من ولی فخر ایلورم حقون رسول اللهینه
سن آتاوون فخر ایدورسن لشگر گمراهینه
من حسین بن علینون زینت دامانیم
سن بو طشتون صاحبی من بو باشین قربانیم
.
.
.
#حضرت_رقیه_شهادت
#اوتدوقی_یردن_ایاقه_دوردی_بیردن_قهریله
#آلانوبسان_اولمیا_بوینوندا_گردنبندیوه
#حضرت_رقیه_ساعد_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید