زبدةالاشعار

اورک غمگین اولان وقتده نظرسالدیم بو دنیایه #حسینیه_محمد_پورعطا

یا حسین (ع)
.  
✍️ #زبدةالاشعار ✍️  
.  
🆔: @nohe_torki  
.
مرحوم محمد پورعطا(محزون) (فرزند مرحوم احمد پورعطا)
.
اورک غمگین اولان وقتده نظرسالدیم بو دنیایه
غمیم دلده فزون اولدی دوشوب آرتیق تمنایه
.
پریشانحال و افسرده غم ایچره غوطه ور قالدیم
فشار غصّه دن باغریم یاریلدی تیغ برّایه
.
دیدیم یارب ندور علّت اورک غمدن خلاص اولمور
خیال پرملالیمده نهال غم سالور سایه
.
ندای اندرون اولدی اودم یار و مددکاریم
توسّل ایلدیم دلدن حسین فرزند زهرایه
.
حسینین آدی دیللرده مگر کرب و بلاسیزدی
دولاندی طایر فکریم دوشوب سوزان صحرایه
.
چکیلدی تا خیالیمده همانا نقش عاشورا
به ناگه پشت پا ویردیم جهاندا زشت و زیبایه
.
او ساعتدی دوشوب مولا یارالی قتلگاه ایچره
ویریر جان دین حق اوسته نه دست بیعت اعدایه
.
بدنده اوخدی پیکاندی سیزیلدیر قوملار اوستونده
ولیکن قانلی رخسارین دوتوب اوج ثریایه
.
یازولّا جان ویرن وقتده عزادارین دعا ایلیر
دییور عفو ایتمه میش یارب آپارما حشر کبرایه
.
نولور ای شاه لب تشنه گدایه بیر نظر سالسان
قسم ویرّم او قارداشون ابوالفضل آدلی سقایه
.
بولورسن یاحسین منده سنه بیر عمر عزادارم
آدون گلجاق چخور دلدن فغانیم عرش اعلایه
.
اگرچه روسیاهم من ولی دریای رحمت سن
یقیناً پاک اولار قطره قاریشسا خیل دریایه
.
یازاندا من بو اشعاری آچیلدی بغض سینمده
سرشگ دیده آخدیقجا اورک دوندی مصفایه
.
حسینه جمله عاشقلر گرک اممیدوار اولسون
خوشا هر کیمسه عاشیقدی حسین تک میر مولایه
.
یاپوش دامان پاکیندن داریخما «پوعطا» سنده
بودنیا بیر گذرگه دی گوزون تیک روز عقبایه

متن پیشنهادی:  عرصه حشره حسین قانینه غلطان گله جک #حسینیه_کاتب_اردبیلی

.
.
#حسینیه_محمد_پورعطا
#حسینیه_مدح #حسینیه_شهادت
#اورک_غمگین_اولان_وقتده_نظر_سالدیم_بو_دنیایه
#ترکی
.  
✍️ #زبدةالاشعار ✍️  
.  
🆔: @nohe_torki 

یک نظر

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی