#خرابه_شام
.
✍️ زبدة الاشعار ✍️
.
?: @nohe_torki
.
مرحوم علی پورحسن متخلص به علیپور
.
اورک گلر غم بی انتهایه آخشاملار
نوالی نی کیمی گللک نوایه آخشاملار
.
گوزتلورم باتا گون آی چیخا اولا خلوت
دییم اورک سوزومی بلکه آیه آخشاملار
.
اذان اولاندا گلر جمله غملریم یاده
دوشربواودلی اورک مین بلایه آخشاملار
.
گونون باتان چاغی شام اهلی کوچه لرده گزر
چیخار سروریله سیر و صفایه آخشاملار
.
خرابه نین قاپوسون مسکن ایلرم اوزومه
اورک یانار گلرم آه و نوایه آخشاملار
.
دوشرخیاله منیمده مدینه کوچه لری
زمانه دن ایدرم چوخ چوخ گلایه آخشاملار
.
گوزوم قالار قاپودا بلکه قارداشیم گلدی
دییم اورک غمینی من اخایه آخشاملار
.
هامی گیدر ایوینه جمله یارو یولداشینان
منیمده واردی گمانیم خدایه آخشاملار
.
بو نوعی عرض ایدرم ای خدای عالمیان
داخی دوزنمورم هرگز جفایه آخشاملار
.
الهی یوخدی توان منده بیر بیله درده
یوخوم دیم سوزومی من آتایه آخشاملار
.
خدا اوزون بولوسن بیر سنه واریمدی امید
کیموم قالور که یتوشسون هرایه آخشاملار
.
منه نوازش ایدن تکجه زینب عمّم دی
سالور منیم باشیما غملی سایه آخشاملار
.
منه تسلی ویرر چوخ الین چکر باشیما
دئیر غمین دینه بو مبتلایه آخشاملار
.
سیلر گوزومدن آخان اشک حسرتی عمّم
منه تلاوت ایدر صبره آیه آخشاملار
.
ویرور تلاوت ایدن آیه روحوما تسکین
یاخونلاشور غم و دردیم شفایه آخشاملار
.
گینه سحر آچولور غصّه لر گلور نظره
یانوربوغملی کونول مین عزایه آخشاملار
.
گوزوم گوزتلوری یول بلکه اوز بابام گلدی
بابامدا گلموری ویران سرایه آخشاملار
اگر گورم بابامی اهل شام و دشمندن
شکایت ایلرم اول مقتدایه آخشاملار
.
دئیرم ای بابا اولسون سنین گوزوندن ایراخ
بو شامین اهلی وورور چوخ کنایه آخشاملار
.
بابا داخی قیزیوا باغلانوبدی چاره یولی
دیوری سرّین باد صبایه آخشاملار
.
دوشور خیاله اذان وقتی ذکر و صوت اذان
باخورام حسرتیلن من سمایه آخشاملار
.
گوزومده جلوه لنورکربلاده عاشورا
کونول قوشی اوچوری نینوایه آخشاملار
.
گهی خیاله دوشور اصغرین سوسوز وقتی
دوتور عزا آناسی اول بالایه آخشاملار
.
بو فکرلرایلیوب منِ یتیمی دیوانه
فغان ایدوب گلورم های هایه آخشاملار
.
او قدری آغلیورم گوزلریم داخی گورمور
واریمدی چوخلی نیازیم ضیایه آخشاملار
.
هانی قبیلم ائلیم اولموشام خرابه نشین
گیجه گونوز گیدور عمروم فنایه آخشاملار
.
بی بیم نماز قیلاندا آدیوی ذکر ایلر
آچور دیلین سنه ذکر و دعایه آخشاملار
.
رقیه معدن احساندی بول ( علی پور)
همیشه آچ دلیوی التجایه آخشاملار
.
نه دردین اولسا دلیم عرض ایله حسین قیزینا
سوزی گرک دیه سن آشنایه آخشاملار
.
#حضرت_رقیه_شهادت
#اورک_گلر_غم_بی_انتهایه_آخشاملار
#علی_پورحسن
#ترکی
.
✍️ #زبدةالاشعار ✍️
.
?: @nohe_torki
نظر دهید