یا علی ابن موسی الرضا (ع)
.
✍️ زبدة الاشعار ✍️
?: @nohe_torki
.
محمد علی منتظری شریف آباد
.
اورگیم ملکنه ای صاحب فرمان عشقی
ایلین باطن تاریکی چراغان عشقی
.
ایستسم سوز دانیشام اذن آلارام عشقوندن
صحبتیم سرسخنیم دردیمه درمان عشقی
.
یار دیرینۀ خلوتکدۀ دورانیم
پاد زهر غم عاشق کُش هجران عشقی
.
نظری عاطفه سی درگهی دار الاعجاز
گَبر و زِندیقی ایدن زهدیده سلمان عشقی
.
آهنی پنجره سی رمز شفا بیماره
چاره سیز مشگل اولان دردلره درمان عشقی
.
نعمت سفرۀ احسانیوه حاتم حسرت
عارف حق طلبه جرعۀ عرفان عشقی
.
صبرمون طاقتمون همّتمون نیروسی
گوزل ایرانده پاکیزه خراسان عشقی
.
عشقوه عاشقِ تک رنگیوه قربان جانیم
کربلا شعبه سی الگوی شهیدان عشقی
.
کیم سنی درک ایلسه درک ایلیوب قرآنی
حافظ دین نبی سنگر پاکان عشقی
.
«منتظِر » سوز یاز ایله هشتم امامه خدمت
وار یقینیم که ایدر خدمتی جبران عشقی
.
#رضویه_مدح
#اورگیم_ملکنه_ای_صاحب_فرمان_عشقی
#منتظری
#ترکی
.
✍️ #زبدةالاشعار ✍️
?: @nohe_torki
نظر دهید