مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
مرحوم میرزا احمد پرغم
.
اوزولسه روز حشر اگر الیم معین و یاردن
آچخدی راه ملجائیم ولیّ کردگاردن
.
.
نجه ولیّ لم یزل نجه وصیّ مصطفی
نجه علی نجه علی نجه امام لافتی
اودور مریض عشق ایچون طبیب حاذق شفا
اودور جزاده قورتاران محبّی گیر و داردن
.
.
اونون محبّتی قویوب بنای حرف اولی
او خطّده ظهور ایدوب جمال انور ولی
دیار عشق بی سبب گزوب دیمم علی علی
گلور طبیب گوگلمون سراقی بو دیاردن
.
.
خیال عشق پروریم گزوبدی هفت کشوری
ضمیر آبگینه دن تاپوبدی نور مظهری
نه عکس خوش که جلوۂ جمال پاک حیدری
نه جلوه هر نفسده مین گوگل آلور قراردن
.
.
علی محبّی حشرده عزیز کردگار اولور
عزیز کردگار اولان زکیّ روزگار اولور
سچیلمز عاشقی مگر ، یوزیندن آشکار اولور
اوگون که ماه بدر تک طلوع ایدر مزاردن
.
.
رسول اکرمه او بیر ولیّ لانظیردور
که مهر حسن خلقته هزار دل اسیردور
نه مهر ، خوش شمایله سواچۀ ضمیردور
اونا محبّ خاص اولان گیچر بو روزگاردن
.
.
علیدی عقل روح جان علیدی ذات بی بدل
علیدی شرح بی بیان نگار صنع یاردن
.
نه شأندور او سروره که فخر اولیا دیوم
نه فخردور که مالک و ملوک انبیا دیوم
امیر قل کفی دیوم شهیر هل ای دیوم
ثنا دیوم سخا دیوم او میر شهسواردن
.
.
ایدر سپهر او سرورین عزاگوننده زلزله
دوتار شراره یر یوزین آلاندا ذوالفقار اله
حدود گاو ماهیه دوشسر غریو و ولوله
خروش بانک نعره سی گلنده کارزاردن
.
.
او دست شیر حقدن گر آلسا مور تربیت
گلور ظهوره دمبدم هزار گونه تقویت
قیلار جنود کفریله ارادۀ منازعت
او قوّتیله باج آلور سپهر کجمداردن
.
.
نه ذوالفقار ، شوکتی دوتوبدی چرخ کوکبی
که نچّه پهلوانلاری دو نیم ، ایدوبدی مرحبی
نه پهلوان نه رزمجو نه راکب و نه مرکبی
یوز ایله شیر دل سالوب سمند تند باردن
.
.
/// #گریز به امام حسین (ع) ///
.
.
او ذوالفقاری ایکّی شه غزا گوننده باغلادی
بیری علیدی هر یره ایدوب اراده باغلادی
ایکیمجی بیر غریب دور که کربلاده باغلادی
یاننجا قالمامیشدی بیر معین و غمگساردن
.
.
باخاندا گوردی اولغریب نه یار مهربان قالوب
نه اوغلی ساق نه قارداشی نه قاسم جوان قالوب
نه یاره لرده قان دورار نه تشنه تنده جان قالوب
بدنده قانلو چشمه یول ایدوبدی هر دیاردن
.
.
او شاه تشنه لب نزول ایدوب رکابدن یره
او سجده گاه وحدتین ایدوب قوشون محاصره
بیری دیردی داش وورون که آز قالوبدی جان ویره
بیری دیردی اوخ آتون دوشوبدی آہ و زاردن
.
.
دوگوندی طبل ، نی ویروب سپاه کینه سس سسه
قلج غلافدن چکن هجوم ایدوب او بیکسه
ولیک حکم اولوب گرک او باشی شمر دون کسه
علی بالاسیدور ایدون حذر او زخمداردن
.
.
گتوردی شوره یا حسین منی بوشرح محنتون
که مرغ طبعمی دانشدیرور سنون او غربتون
فراق وصل معنوی گوگلده آه و حسرتون
شها اوساندی «پرغمون» بو درد انتظاردن
.
.
.
.
#حیدریه_پرغم
#اوزولسه_روز_حشر_اگر_الیم_معین_و_یاردن
#ترکی#حیدریه_مدح
.
✍️ #زبدةالاشعار ✍️
.
🆔: @nohe_torki
نظر دهید