شهادت امام رضا (ع)
.
✍️ #زبدةالاشعار ✍️
.
🆔: @nohe_torki
.
#سبک_خداحافظ_ای_آنام_باجی … 3سبک … سن آغلوسان من دوزنمورم
مشابه
.
.
مرحوم شانی تبریزی
.
اوغول تقی جان ویرورم، طوسده غریبانه
وار انتظاریم اؤزیوی، تیز یتور خراسانه
زهر کینیله مأمون
ایلیوب منی دلخون
.
.
غریب ئولن وقتده باخار صاق صولا توکر قانیاش
عیالینی آرزو ایدر آختارار اوغول قارداش
بودور منیمده حسرتیم ماه رو جوانیم کاش
مدینه دن طوسه گله سس ویره بو نالانه
.
.
هامی بولور سخت اولی چوخ احتضار مسمومه
اولیدی کاش ایمدی باجیم سس ویرن بو مغمومه
دیینده یاندی جگریم جان دییدی معصومه
من ایلینده آه و زار او گلیدی افغانه
.
.
محبت آدابین آتا نسبت اوغلونا گوزلر
بو واپسین دم نجه گور گوزلریم یولون گوزلر
باخار دمادم قاپیا منتظر قالان گوزلر
سرشک حسرتله ویرور کایناتی طوفانه
.
.
اجابت دعوته من لاعلاجیدیم مجبور
اودور که احترامیمی ایلدی منیم منظور
ستمله ویردی منه بیر خوشه زهردار انگور
که اولدی هر دانه بیر اوت دوشدی بو دل و جانه
.
.
بو زهر که ویردی منه ایتمدی حیا مأمون
نه زهردور من بولورم بیرده قادر بیچون
بولور اونی بیرده ئوزی بیرده گوندرن ملعون
اونون اگر ذرّه سی سوده دگسَه سود دونر قانه
.
.
او زهر کین کیم حسنه جعدۀ زمان ویردی
گنه او شدّتله اونا بیر گجه امان ویردی
عیالینی باشه یغوب عزّتیله جان ویردی
حسین کیمی قارداش اونا یاس دوتوب عزیزانه
.
.
ویرنده موسی ابن جعفره زهر سندیِ شاهک
وئروب او زهر اوچگون امان اولمادی او دم هالک
اوچومجی گونده او اولان سئیرعشقده سالک
او کنج زنداندا ویروب جان غریب جانانه
.
.
ولیک بیلمم نه زهردور میل ایدوب غریب طوس
عباسینی باشه چکوب عمردن اولوب مأیوس
گوروب اباصلت عبا باشدا وار دیدی افسوس
یانوب امامین او حالینه دوندی اشگی عمّانه
.
.
ویروبدی ثامن الحجج جان غریب غربتده
قالوب غریب الغربا آدی وار بو شهرتده
حسینی ده غربته باخ عالم حقیقتده
او بوندان آرتوخ زمانه ده گور غریب اولوب یا نه
.
.
بو جان وئروب طوسده غریب آدلانوب بو اسمیله
او کربلاده غریب ئولوب لیک گور نه قسمیله
گون ایستیسی تشنه جگر پاره پاره جسمیله
فرات تک قانی آخور متّصل بیابانه
.
.
آچوب گوزین شمره دئدی ایتمه کشمکش یاندیم
آنام باخور ایله حیا ایلر ایمدی غش یاندیم
دولانمور آغزیمدا دلیم یاندیم العطش یاندیم
بو صون نفسده بیر ایچیم سو ویرون بو عطشانه
.
اگر چه بو نسبت عجزدور کسر شأندور شاهه
ولیک چوخ حکمتی وار نقصی یوخ اودور جاهه
یاناردی اول شاه رَوؤف حال قوم گمراهه
رضا دگلدی چون گیده دشمنی ده نیرانه
.
.
او شه که اوز قاتلینه رحم ایده بو عالمده
نجه رضا اولار یانا شیعه لر جهنّمده
ایله رَوؤف بیر شهه تا وارام بو عالمده
سزادی ایله آغلیام گوز یاشیم دونه قانه
.
.
خلوص نیتله بو سوزی «شأنیا» دیدون چون سن
سزادی انصاف ایلیوب هر باخان دیسون احسن
بو آز زماندا نظم اولا بیله نظم مستحسن
اؤزی بیر اعجازیدی بو اهلی نظم عرفانه
.
.
#رضویه_شهادت
#اوغول_تقی_جان_ویرورم_طوسده_غریبانه
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید