زبدةالاشعار

اوغول زلفون باتوب قانه، نیه ئولمز آنان لیلا #راه_شام_احمدیان_خسروشاهی

زبانحال جناب لیلا در راه شام
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور … 7 سبک …(ئوزوم گوردوم … منیم ای تشنه قربانیم … حسین ای شاه مظلومان … )
.
حاج اصغر احمدیان خسرو شاهی
.
اوغول زلفون باتوب قانه، نیه ئولمز آنان لیلا
ووروب قان زلفوه شانه، نیه ئولمز آنان لیلا
.
.
غم هجرونده نالانم دونوبدور گوندوزوم شامه
سنیله همرهم منده چکور عشقون اوغول شامه
اولوب دلده آدون ازبر، خوشام چوخ بو گوزل نامه
على سسلر یانا یانه، نیه ئولمز آنان لیلا
.
.
جدادن عطروی آلّام، تاپار قلبیم صفا سنله
بو روحیم باغلیوب الفت، مدام ای مه لقا سنله
بیر آن آیریلمارام قویسا، گروه اشقیا سنله
یانور دل نار هجرانه، نیه ئولمز آنان لیلا
.
.
ووروبلا روح لیلانی، جدایه لشکر عدوان
صبا زلفون کنار ایلور، اولور شمس الضحا رخشان
او شهلا گوزلره، خال و خطه اولسون آنان قربان
باتوب خال و خطون قانه، نیه ئولمز آنان لیلا
.
.
منه تاج شرافتدور، سنون باشون جدا اوسته
او قانلو زلفوون لیلا اولوب بیر موینه بسته
باخاندا نیزیه گورم، ساچوبلا گلدی بیر دسته
خوشام زلف پریشانه، نیه ئولمز آنان لیلا
.
.
جدا باشینده سن گُلسن، آنان بیر بلبل شیدا
منی خار جفا قویمور، گُلومدن عطر آلوم امّا
شکسته محمل اوستونده یانار بی خانمان لیلا
گلر آردونجا هر یانه، نیه ئولمز آنان لیلا
.
.
ئولونجه خوشدی قول باغلی، آنان بو حالیله قالسا
جدادن عطریوی اما، شکسته ناقه دن آلسا
دوشر صحرایه مجنون تک، بیر آنی سندن آیریلسا
مکانی اولسا ویرانه، نیه ئولمز آنان لیلا
.
.
اوغول بو «احمدیان» ایلیوب دلده آدون ازبر
قلم الده یازار نوحه ائله آغلار على سسلر
یقین بیر دردی وار سندن گوزی یاشلی شفا ایستر
اونا بیر باخ طبیبانه نیه ئولمز آنان لیلا
.
.
#راه_شام_احمدیان_خسروشاهی
#اکبریه_شهادت
#اوغول_زلفون_باتوب_قانه_نیه_ئولمز_آنان_لیلا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  چکمه منت بو قدر شمر ستمگردن باجی #حسینیه_شانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی