زبانحال حضرت رباب (س)
.
✍️ زبدة الاشعار ✍️
?: @nohe_torki
.
سبک ها : خداحافظ ای آنام باجی … سن آغلوسان من دوزنمورم
.
شاعر ؟؟؟
.
اوغول علی آغلاما بئله قلبیمون باشی یاندی
سوسوزلوق ایلوب اثر سنه دیل دوداقون اوتلاندی
محنتونده دیل یاندی
سینه لر الولاندی
.
.
سو قورتاروب ایلیوب منیم دردیمی اوغول چوخ چوخ
ندور علاجیم یوخومدی سو ؛ دوشلریمده صودوم یوخ
یالورسان هردم دوداقلارون قلبیمه وئرورسان اوخ
سنون بو احوالیوه علی خیمه اهلی گریاندی
.
.
نفس لرونن الو گلور سانکی سینون اوتلانموش
آنان ئولیدی دوداقلارون ایستی دن نه گور یانموش
باخان دوداقلاریوه باخاندا اورک الولانموش
نه ایلسون جان دیین لرونده سنون تک عطشاندی
.
.
یری وار ایندی بو قلبیمی تیر محنتون دلسین
بیر آزجا یوم گوزلرون علی گوزلره یوخی گلسین
بیر آز اوغول خواب اله بو بی کس ننونده دینجلسین
آناندا عطشاندی خسته دی حالی چوخ پریشاندی
.
.
اوغول علی سینمه محنتین اوخون تاخما
نه سو واریمدی نه ده صودوم سینمه بئله باخما
سیزیلداما دونمه ساغ صولا یاندیریب منی یاخما
ربابی یاندیرما چون اوزی آتشونده سوزاندی
.
.
محبتین ریشه سین علی آغلیوب پارا ائدون
سوسوزلوقونان چالیخلاما بختیمی یارا ائدون
بوقدری دیرناخلاما اوغول سینمی یارا ائدون
سینم سراسر یارالیدی دیرناقوندا تی قاندی
.
.
چالیخلاما یورما چوخ اوزون سنده خسته سن منده
ستاره مثلی سوزوب گوزون سنده خسته سن منده
دوشوب اوغول دیللره سوزون سنده خسته سن منده
سوسوزلوقونان چیخور جانین اهل خیمه نالاندی
.
.
اوغول علی آز بو قلبیمی آغلیوب کباب ایله
اگر چه دوشدون بلایه سن عاشقانه تاب ایله
منی یوروب هم اوزون یورولدون بیر آزجا خواب ایله
بالیغ کیمی دونمه ساغ صولا سینمون باشی یاندی
.
.
#اصغریه_شهادت
#شب_عاشورا
#حضرت_رباب
#اوغول_علی_آغلاما_بئله
#لاادری
#ترکی
.
✍️ #زبدةالاشعار ✍️
?: @nohe_torki
نظر دهید