در جلالت حضرت فاطمه علیها سلام
.
✍️ #زبدةالاشعار ✍️
.
🆔: @nohe_torki
.
.
مرحوم حاج محمود رهبری تبریزی
.
.
اولدوزدی چرخ عصمته همواره فاطمه
اسطوره دی محبّت و ایثاره فاطمه
.
.
دین اوسته گوزدن آتدی هامی جاه وعزّتی
دوزدی جفایه ایتدی قبول هر اذیّتی
دوشدی بو فکره قورتارا اودّان بو امّتی
باش اگمدی جهان بوئی اشراره فاطمه
.
.
دین اوسته ویردی فاطمه عالی بیر امتحان
گورمز نظیرینی نقدر دُور ایده زمان
گلزار دینه حامی دوروب اولدی باغبان
اشکیله ویردی سو گل و گلزاره فاطمه
.
.
سویدی لباس عزّتی تندن وفایه باخ
دین اوسته گوردوقی ستم اشقیایه باخ
دوزدی گلن بلالره بیر مبتلایه باخ
عجز ایتمدی جهانیده اغیاره فاطمه
.
.
مشکل گشا قیزی اوزیده دوشدی مشکله
ظلم و جفایه دوزدی خانم ایتمدی گله
اولدی فدای دین گَلَه مقصودی تا اَلَه
قویدی علی یولوندا جان ایثاره فاطمه
.
.
صبرین حصارین حفظ ایلدی یخمادی خانم
یالقوز قویوب امامی دوروب باخمادی خانم
حکم و رضای حقدن او گون چخمادی خانم
ایتدی سپر و جودینی همواره فاطمه
.
.
اشرار دینه اگمدی باش دُخت مصطفا
احکام دینی ایلدی اجرا او با وفا
آواز دینه فاطمه ویردی ازل صدا
اولدی جوابگو هامی اشراره فاطمه
.
.
آچدی همیشه مکتب توحیدیدن سوزون
ابر حجاب ایچره او گزیلتی گل یوزون
نسوان دینه امر ایلدی تا یوما گوزون
درس حجابی سویلدی همواره فاطمه
.
.
آندیردی اهل معرفته حق رسالتین
ایتدی پیاده دین پیغبر عدالتین
رسوا ایدوبدی مُجری جهل و جهالتین
اود ویردی ریشه دل کفاره فاطمه
.
.
تأسیس ایدوبدی مکتب توحیدی دهریده
احکام دینی خلقه یتوردی او عصریده
گل تک عذاری گولمدی بیر دفعه عمریده
دینی دیریتدی دهریده یکباره فاطمه
.
.
ویردی حجاب درسینی نسوانه فاطمه
محکم تدارک ایلدی ایمانه فاطمه
صبر ایتدی دوزدی ظلم فراوانه فاطمه
یغمبره آپاردی نشان یاره فاطمه
.
.
یاندیردیلار وفا قاپوسون قوم بی حیا
زهرایه ویردی یوز او زمان مِحنت و بلا
امر قضایه ویردی رضا دُخت مصطفا
کشتیّ عمری دوشدی گرفتاره فاطمه
.
.
یاندی قاپی شرارینه عالم آغلادی
مسمار باتدی سینۀ زهرانی داغلادی
گوزدن سرشکی صفحۀ رخساره باغلادی
دوشدی او گوندن بستر بیماره فاطمه
.
.
ضرب قاپی فاطمه ده قویمادی توان
دیز تیتردی یخلدی یره بانوی جهان
فضه گورن زمان خانمین ایلدی فغان
فکر ایتدی جان ویرور حقه یکباره فاطمه
.
.
ویردی خبر عم اوغلوسنا ای شه جهان
بیهوده ایتمورم گوزومون یاشینی روان
گل ئولدی فاطمه یتوش امداده الامان
محتاجدور بو وقتیده دیداره فاطمه
.
.
زهرانی گورجاخ آغلادی شدّتله مرتضا
زهرا باشین دیز اوسته آلوب ایلدی نوا
فرمایش ایتدی جنگی پیمبر بولوب خطا
ویرموب اجازه حیدرکراره فاطمه
.
.
ایتگین مزاریوه جاتا بولسه الیم خانم
آرام اولار فراق غمونده دلیم خانم
ایسته زیارتیوه ایل به ایل گلیم خانم
قویما بو (رهبری) اولا آواره فاطمه
.
.
#فاطمیه_رهبری_تبریزی
#فاطمیه_مدح #فاطمیه_شهادت
#اولدوزدی_چرخ_عصمته_همواره_فاطمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید