اولدون غریب اولمادی قسمت وطن سنه #کوچ_کربلا_روفه_گر

کوچ از کربلا
زبانحال حضرت زینب سلام الله علیها
.
.
.
مرحوم روفه گر
.
.
اولدون غریب اولمادی قسمت وطن سنه
واردور یری ئولونجه ائدم ناله من سنه
.
اورتوبدی پیکرین خس و خاشاک کربلا
باد صبا بیچوبدی عجب پیرهن سنه
.
ای تاجدار بزم سلیمان کربلا
هاردان تاپوب گئچن گئجه یول اهرمن سنه
.
آت درناقی بو گل بدنین طرحینی پوزوب
پامال ایدوبدی قالمادی سالم بدن سنه
.
کیم سویدی کهنه کوینگون ایوای منه حسین
ئولسون باجون تاپولمادی بیر سس وئرن سنه
.
قان گُل کیمی بو گُل بدنین ائتدی ارغوان
حاشا یتیشمز عطر گل یاسمن سنه
.
قارداش حسین، ایله داغیلوب پیکرین سنون
گویا ووروبدی کاری یارا هر یِتَن سنه
.
بیر نوعیله حرملریوون باغلانوب قولی
من عاجزم گرک دیه شرحین دیَن سنه
.
آلسان خبر نِجُولدی عیالین گئچن گیجه
یانموش چادردا قوردیلا بیت الحزن سنه
.
قان لخته سی اولوب کفنین غسلون اشک تر
کربُ بلا دیاری محلِّ وطن سنه
.
جدیم خبر ویروب بُلورم من، بنی اسد
بیر مختصر حصیری ایدَلَّه کفن سنه
.
عمرین گیچوب حسیندن ال چکمه «روفه گر»
عبرتدی اهل دسته ده بیر بیر ئولن سنه

.
#کوچ_کربلا
#روفه_گر
#ترکی
#زبدةالاشعار