#غزل #صراف_اردبیلی
.
✍️ #زبدةالاشعار ✍️
.
🆔: @nohe_torki
.
عیسی صرّاف اردبیلی
(ولادت 1141 ه.ق)
.
اولدو اول ماهدان اؤترو هامی بدخواه بیزه
هامی بدخواهدان اولدو بتر اول ماه بیزه
.
صحبت اهل زمانه گتیریب جانا بیزی
بینواییق،کمک ائتسین اؤزو الله بیزه
.
تانری شاهددیر اگر طالب عزّ و حشمیک
بوریا فرشیدی اورنگ شهنشاه بیزه
.
اول کؤنول! منزل مقصودا یئتیشمک مشکل
اولماسا پیر مغان شفقتی همراه بیزه
.
جمله عالم، نه غم اولسون بیزه دشمن، صرّاف
بسدی مولامیز علی ولی الله بیزه
.
#غزل_ترکی #حیدریه_مدح #حیدریه
#ترکی
#اولدو_اول_ماهدان_اؤترو_هامی_بدخواه_بیزه
.
✍️ #زبدةالاشعار ✍️
.
🆔: @nohe_torki
نظر دهید