شهادت امام حسن مجتبی علیه السلام
.
✍️ زبدة الاشعار ✍️
.
🆔: @nohe_torki
.
.
مرحوم غلامعلی باقری الهامی ( هوشی تبریزی)
.
#سبک_زینبم_جان_اوستیم .. 4 سبک … #سبک_یه_سوال_دارم … #سبک_اذن_ویر_یارب_گله و ….
.
.
اولموشام مسموم دست ظلم اعدادن باجی
اود دوتوب جانیم سراسر درد عظمادن باجی
.
.
مدت عمرومده بیحد چکموشم درد و بلا
توش اولوب تیر غمه سینم دمادم بر ملا
نصف شبده عاقبت میل ایتموشم زهر جفا
سولموشام بیر گل کیمی گلزار طاهادن باجی
.
.
.
دست ظلمیله سالوبلار بیر بلایه باشیمی
قان ایدوبلر عارضه گوزدن آخان گوز یاشیمی
حاضرایله باشیموت اوسته حسین قارداشیمی
صون نفصده کام آلوم اول ماه سیمادن باجی
.
.
دوشموشم بیر حاله ایلر عالمه حالیم اثر
اولموشام غوّاص تک دریای درده غوطه ور
بستر ناز ایچره یاتما دور حسینه ویر خبر
حالی ایت عبّاسی بو حال غم افزادن باجی
.
.
اهل کین بو ظلمیله ظلمون نمایان ایلدی
یاندوروب زهر ستمله باغریمی قان ایلدی
سیل اشگیم وار سبب دیدمده طغیان ایلدی
درس آلوب طغیانیده طغیان دریادن باجی
.
.
حسرتیله گوزدن آفاقی سراسر آتموشام
دوشموشم آی تک مُحاقه نصف شبده باتموشام
بستر ناز ایچره راحت بیله بولمه یاتموشام
آچ گوزون بیر آگه اول بو حال معنادن باجی
.
.
سینمی پیکان درد و مِحنته توش ایلدیم
آل طاهانی غم و اندوهه همدوش ایلدیم
بیر جفا گستر الیله زهر کین نوش ایلدیم
خسته جانیم قورتولوبدور دردو ایذادن باجی
.
.
آچ گوزون ای برج عصمتده اولان مه پاره سی
ای اولان آفاقیده بیر عمر غم آواره سی
دوشموشم بیر درده یوخ بو دردین اصلا چاره سی
سلب اولوب صبریم دوشوب جسمیم توانادن باجی
.
.
وار یری باجی بو غمده جمله دل لر قان اولا
رنگیمه گل لر باخوب یکسر گلستانلار سولا
زهر بس تأثیر ایدوب میل ایلورم صاق و صولا
دور یاخوندی ایلیم رحلت بو دنیادن باجی
.
.
.
من باجی بوللم باشوندا وار سنون بی حد بلا
صبریوی تاراج ایدر بیر ماجرای کربلا
ایمدیدن دور اول باری درد و بلایه آشنا
آگه اول جورو جفا و ظلم اعدادن باجی
.
.
چکموشم بسکه جفا دست جفادن خستیم
صید صیّاد اجل ایلوب منی پا بستیم
دور یتوبدور باشه عمروم ای باجی جان اوستیم
دودۀ آهیم گچر اوج ثریّادن باجی
.
.
باشی اوسته قارداشین بو رسم دور آغلار باجی
نار مِحنتله دل سوزاننی داغلار باجی
جانویرن ساعتده قارداش گوزلرین باغلار باجی
دلده قویماز نسگلین بو رسم شیوادن باجی
.
.
.
قارداشین جان اوسته دور گل گوزلرین باغلا اوزون
یان شرار درد و غمده سینوی داغلا اوزون
باخ پریشان حالیمه شوریله سن آغلا اوزون
توک عذاره اشگ حسرت چشم شهلادن باجی
.
.
گر چه مظلومیّتیم آفاقیده اولموش عَلن
مِحنتیمده وار یری عالم اولا غرق مِحن
شیعه لر امّا آز اغلالار منه گل آغلا سن
دلده قویما آرتا اندوهیم بو ایمادن بلاجی
.
.
#هوشیم شورو نوا هر لحظه یاریمدور منیم
دردو محنت آشنای قلب زاریمدور منیم
بزم ماتم مسکنیم بو سوز شعاریمدور منیم
اود دوتوب جانیم سراسر درد عظمادن باجی
.
.
.
#حسنیه_شهادت
#اولموشام_مسموم_دست_ظلم_اعدادن_باجی
#ترکی
.
✍️ #زبدةالاشعار ✍️
.
🆔: @nohe_torki
نظر دهید