ورود مدینه
حضرت صغری (س)
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور ( 8 سبک سینه و زنجیر) … #سبک_منیم_ای_تشنه_قربانیم
مرحوم مضطر اردبیلی
.
اولوبدور منتشر بو سوز
علی اکبر جوان ئولدی
حسینون اوغلی شهلا گوز
علی اکبر جوان ئولدی
.
.
اوغول داغی که گورموبسن
چتین،آساندی بُلمزسن
حسینون قلبی بو غمده
نه نوعی یاندی بُلمزسن
ایشیدموبسن یارالاندی
اوغول دوغراندی بُلمزسن
نجه اعضا اولوب گوز گوز
علی اکبر جوان ئولدی
.
.
جوان اوغلی ئولن مادر
ائدر ساعت به ساعت غش
ئولیدی حقی وار حقی
او لیلای مصیبت کش
بورودی هر طرف غملر
وجودین هر طرف آتش
دولوب اوت قلبینه کوزکوز
علی اکبر جوان ئولدی
.
.
بو نسگل اولدی چوخ مشکل
نه طوی گوردی نه کام آلدی
اودور لیلانی مجنون تک
بو غم صحرالره سالدی
یریدی دوردی اگلشدی
نچه ایل عمر ایدوب قالدی
دیر پی هر گجه گوندوز
علی اکبر جوان ئولدی
.
.
بو طعنه سوز آتش ریز
اولوب لیلایه چوخ نسگل
گوروب اول منقذ کافر
اوغول باشین کسر قاتل
الینده اکبرون باشی
جدا اوسته او سنگین دل
دیر بیر سوز گزر دوز دوز
علی اکبر جوان ئولدی
.
.
وطنده روز و شب آغلار
ناخوش باجیسی یول گوزلر
دیلینده ایلیوب ازبر
علی اکبر علی اکبر
یوخیدا هاتف غیبی
دئدی ای زار غم پرور
یولینا تیکمه بیرده گوز
علی اکبر جوان ئولدی
.
.
اویاندی خوابیدن اول قز
بلوط تک گوزلری دولدی
گلوب فریاد و افغانه
پریشان زلفلرین یولدی
گوروب دیوارده بیر قوش
دیَر بلبل گُلون سُولدی
الون گُلدن چمندن اوز
علی اکبر جوان ئولدی
.
.
دیدی قانلی قنادی قوش
وروبدور کیم سنه یاره
نه دردون وار قونوبسان سن
بو صبحون وقتی دیواره
خبرِ مرگی ویرمزلر
ئولوم چاقنده بیماره
ندور بو کلمۀ جانسوز
علی اکبر جوان ئولدی
.
.
.
#ورود_مدینه_مضطر_اردبیلی
#حضرت_صغری
#اولوبدور_منتشر_بو_سوز_علی_اکبر_جوان_ئولدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید