درشهادت امام جعفر صادق (ع)
.
✍️زبدة الاشعار ✍️
?: @nohe_torki
.
رحیم شایان
.
.
اولوب دینین ارکانی ویران
گیدوب صادق دین جهاندان
گوزون یومدی مذهب رئیسی
عزادار اولوب کون و امکان
گیدوب صادق آل احمد
اولوب اهل بیتی نواخوان
گلوب باشینین اوسته کاظم
بو نوعی ائدوب شور و افغان
.
اولان زهر کیندن. اورک قان آتام وای
عدونین الیندن. پریشان آتام وای
.
.
.
دگوب دینه بیر زخم کاری
خزان اولدی صادق بهاری
امامی سالوبلار عذابه
چاتوب اوجه ظلمون فشاری
ائدوبلر او مولانی مسموم
یانوب دلده سوزان شراری
یتوب آخره ظلمی منصور
آلوب شیعه لردن قراری
.
فقالوب شیعه آغلار گیدوب صادق دین
او حضرت سببدور اولاخ عاشق دین
.
.
.
دگوب بیر بیره عدن و رضوان
اولوب عرشین اهلی عزادار
سیه پوش اولوبدی مدینه
قویوب اهل ایمانی آغلار
ملائک هامی نوحه خواندی
تمام اهل جنت سیزیلدار
شهید ره عشق اولوبدی
قویوب قلب عشاقه داغلار
.
بقیعنون ائدوبدی کنارینده ماوا
ائدور ناله حیدر نواخواندی زهرا
.
.
.
گلوب موسی کاظم اوغلی
بو عظما بلاده نوایه
آتاسی فراقینده آغلور
گئدور فکری دشت بلایه
دیور گاهی مظلوم آتام وای
گلور اهل بیتی صدایه
چاتور لیک عزانون گریزی
شه تشنه کر بلایه
باشی نیزه لرده بدن سیز حسین وای
قوری یرده قالمیش. کفن سیز حسین وای
.
#صادقیه_شهادت
#اولوب_دینین_ارکانی_ویران
#شایان_ارومیه
#ترکی
.
✍️ #زبدةالاشعار ✍️
?: @nohe_torki
نظر دهید