زبدةالاشعار

اولوب گر چه یریم زندان الهی #کاظمیه_صحاف_تبریزی

زبانحال حضرت امام کاظم علیه السلام
.
#سبک_بیا_یابن_الحسن_آرام_جانم
واگیر 1 برای این سبک
غریبه عالم آغلار
دوتاندا ماتم آغلار
نوا باشلار ملک لر
سزیلدار آدم آغلار
چتیندور محنت هجران الهی
.
.
واگیر 2 برای این سبک
غریبه باغلار آغلار
گوروکن داغلار آغلار
گوی اهلی وای دیئنده
گوزونی باغلار آغلار
چتیندور محنت هجران الهی
.
.
واگیر 3 برای این سبک
غریب آغلار، یل آغلار
گل اوسته بلبل آغلار
گوزون یاشین توکنده
گلوب درده ، دل آغلار
چتیندور محنت هجران الهی
.
.
#سبک_کجایید_ای_شهیدان
#سبک_جوشی_زنجیر
#سبک_بو_کیمدور_یوسف_کنعانه_بنذر
مشابه
.
مرحوم حاج محمدحسین جنتی مقام ( #صحاف_تبریزی )
.
اولوب گر چه یریم زندان الهی
خوشام زنداندا وئرسم جان الهی

.
.
منی هارون ائدوب غربتده محبوس
گئجه گوندوز غم و دردیله مأنوس
حیاتیمدن ائدوب بالمرّه مأیوس
رضایم مرگیمه هر آن الهی
.
.
رطوبت یر قرانلوق کنج زندان
آدی زندان اوزی بیر چاه ویران
وجودیمدن گئدوب آرام و امکان
اولوب ظلمیله باغریم قان الهی
.
.
بو حبس خانه ده بی حد غمیم وار
یانمدا نه اوغول نه محرمیم وار
نه غمخواریم نه یار و همدمیم وار
انیسیم دیدۀ گریان الهی
.
.
دگل بیجا بئله پوزقوندی حالیم
آخار رخساریمه اشک زلالیم
گوزی یولدا قالوب اهل و عیالیم
چتیندور محنت هجران الهی
.
.
وئروب هارونه باش مندن نه تقصیر
ائدور صبح و مسا قتلیمده تدبیر
ووروبدور بوینوما زنداندا زنجیر
ائدوب غم قلبیمی سوزان الهی
.
.
اوجالسا وار یری عرشه فغانیم
فشار کنده دن گئتدی توانیم
چخا ای کاش زنجیر آلتدا جانیم
اولام راحت منِ نالان الهی
.
.
منی سند ابن شاهک گتدی جانه
ترحّم ایلمز من ناتوانه
وورار گونده منه چوخ تازیانه
ائدر ظلمنده چوخ طغیان الهی
.
.
اگر چه آتش ظلمیله یانّام
ولاکن صبر ائدوب یانّام دایانّام
بو قدری جور و ظلمی سهل سانّام
یتشسون کامینه عدوان الهی
.
.
دوشر جدّیم حسینون حالی یاده
وئرنده جان دیار کربلاده
گلوردی نی کیمی فریاد و داده
عطشدن اول شهِ عطشان الهی
.
.
آلوب اطرافینی یوز مین ستمگر
الینده داش قلج اوخ نیزه خنجر
او قدری ووردیلار یاره سراسر
اولوب گل پیکری خندان الهی
.
.
قفادن کسدیلر باشین لب عطشان
چاپوب آت سینه سینده قوم عدوان
قالوب اوچ گون یارالی جسمی عریان
قوم اوسته قانینه غلطان الهی
.
.
تالاندی خیمه سی گئتدی جلالی
اولوب غارت هامی مال و منالی
اسیر شمر اولوب بیکس عیالی
اولوبدی عالمی ویران الهی
.
.
صباح و شامی «صحاف» الده خامه
یازار نوحه او شاه تشنه کامه
یتور کامه یتوب عمری تمامه
اولا تا دردینه درمان الهی
.
.

متن پیشنهادی:  قارداش داغی اکبردن حسینه بتر اولدی #عباسیه_عدلی_تبریزی

.
#کاظمیه_شهادت
#اولوب_گر_چه_یریم_زندان_الهی
#ترکی
.
.

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی