زبدةالاشعار

اون ایکی انوار حقدن نور اوّلدور علی #حیدریه_اعظمی_تبریزی

مدح حضرت امیرالمومنین علیه السلام
.
✍️ زبدة الاشعار ✍️

?: @nohe_torki
.
مرحوم حاج بیوک اعظمی تبریزی
.
اون ایکی انوار حقدن نور اوّلدور علی
پرتو افکندور جمالی، دینه مشعلدور علی

.
بو علیّ المرتضادی عالمه مفخردی بو
تَکدی صولتده جهاندا فاتح خیبردی بو
شاه مرداندور، جزاده ساقی کوثردی بو
نور حقدور شکل انساندا مُشکّلدور علی

.
مظهر تقوا ولیّ حیّ اعلادور علی
یر گویه، ماه و نجومه حکم فرماندور علی
اهل اسلامه ایکی دنیاده مولادور علی
شیر حقدور، جانشین ختم مرسلدور علی

متن پیشنهادی:  ئوز خانمانینه گینه بیر کاروان گیدر #دلریش

.
ایلین وقته خدای لامکان دنیانی فرش
خلق ایدوب نورین علینون زینت ایتسون فرش و عرش
اولماسیدی مرتضی نه آی، نه گون، نه عرش و فرش
ماه و انجمدن، فلکدن، گوندن افضلدور علی

.
اون اوچ ماه رجبده تا شهنشاه نجف
قویدی دنیایه قدم تاپدی جهان عزّ و شرف
بیر بشردور هر صفات خالقیله متّصف
کارگاه خلقته بیر فرد اکملدور علی

.
ایستدی خالق بو گون دنیایه آرایش ویره
تا یاراتدی مرتضانی دینه پیرایش ویره
اهل اسلامه بو مولا درس آسایش ویره
مکتب پیغمبره استاد اوّلدور علی

متن پیشنهادی:  آدون دیلیمده دی قلبیم دوشوب فشاره على #حضرت_صغری #سیفی_اردبیلی

.
شمس رخشان تک تجلّا ایلدی نور علی
شعله لَندی یعنی اسلامین جهاندا مشعلی
من دیمم الله الی دور حیدر کرّار الی
لیک اسلامه پیمبر جسمدور، الدور علی

.
گَلدی شانینده بو رتبه تاپدی بیله انتشار
لا فَتی اِلّا علی لا سَیفَ اِلّا ذوالفَقار
شانینی عالملره بُلدوردی حیّ کردگار
یعنی سنله کاخ دین بیله مجلّلدور علی

.
ایتدی کامل دینی بو شاهیله حیّ لایُری
مُستتردور آیه ی “اَلیَومَ” ده بو ماجرا
باخسا هر کامل نظر واضح گورر ایتمز خطا
قدرت الله دور او قدرتدن مکمّلدور علی

متن پیشنهادی:  من زینبم سلاله شاه ولایتم #زینبیه_علومی_تبریزی

.
بیر بشردور ظاهراً، معناده امّا نوردور
آفرینشدن بو مولا خالقه منظوردور
نور رویندن بو عالم بیله رشک طوردور
علّت غائی، چراغ دینه مشعلدور علی

.
ای کلام الله ناطق معنی امّ الکتاب
نوکروندور اعظمی لطفوندن ایله کامیاب
اونداکی حقدن یتر روز جزاده بو خطاب
قیل شفاعت چون سنه بیزدن محوّلدور علی

.
#حیدریه_مدح
#حیدریه_میلادیه
#اون_ایکی_انوار_حقدن_نور_اولدور_علی
#اعظمی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی