اون بیر ایلدی سجنیلرده من گرفتارم خدا #کاظمیه_عدلی_تبریزی

زبانحال حضرت موسی ابن جعفر (ع)
.
.
حاج اصغرفرشچی(عدلی تبریزی)
.
.
اون بیر ایلدی سجنیلرده من گرفتارم خدا
بستۀ زنجیر و کنده قِیدِ مسمارم خدا
.
.
اُلدوروردی شیعه نی تسلیمی اولدوم دشمنه
حبس ایدوب زندانیده ظلمون عیان ایلور منه
زهریلی خرما یدور دوب گلموشم من شیونه
ظالم هارون سالدی دیلدن بی پرستارم خدا
.
.
حق دانیشدیم حق دیدیم چون حق کلامی مو به مو
ایتدی زندانی منی هارونیده یوخ آبرو
یر نه یر زندان نه زندان چوخ قرانلوق تو به تو
مونسیم ذکر و دُعادی چشمی خونبارم خدا
.
.
اون بیر ایلدی روزوشب الله اولوب بوردا سوزوم
هی ویروبلار قویمیوبلار تا قالا منده دوزوم
ایندی جان اوسته رضانی ایستوری گورسون گوزوم
هجرالیندن گر چه یاندیم من فدا کارم خدا
.
.
بادۀ غم بس ایچیردوبلر منه یوخ دور توان
بولسه معصومم وطنده ایلییر اشگین روان
محبسیم تاریک و نمناک یوخ منی یاده سالان
محنت جور و جفای مردم آزارم خدا
.
.
زهر کین سالدی ایاقدان طاقتی الدن آلوب
باغبان سِند اولدی زهرانون گلون دیلدن سالوب
یوخ دیین موسی بن جعفر هاردادی هاردا قالوب
شهر یثربده قزیم اوغلوم عیال وارم خدا
.
.
سند ظالم دینجلم ویرمز منه لحظه امان
هی ویرار سیلی منی ایلر بو یرده باغریقان
صاحب عصرم ولی دوندردی یوز دورزمان
من گُل پژ مردۀ اسلام و گلزارم خدا
.
.
بیر نفر اولماز منه بو یرده اولسون غمگسار
جور دشمن گچدی حدن قالموشام زیر فشار
آیۀ لا تقنطودن دلخوشام امیدوار
دین و قرآنه بو یرده من طرفدارم خدا
.
.
من قرانلوق یردیم گورمز گوزوم ویرسام قدم
سسلرم دیلدن آنامی تا گله زهرا ننم
آخرین لحظه اگر تاپسام رضانی وارنه غم
«عدلی»یاز من بو مصیبتده گرفتارم خدا
.
.
#سبک_زینبم_جان_اوستیم (4 سبک سینه و زنجیر تک ضرب )
.
.
#کاظمیه_شهادت
#اون_بیر_ایلدی_سجنیلرده_من_گرفتارم_خدا
#عدلی_تبریزی #کاظمیه #زبدةالاشعار
#ترکی