اوچ گوندی زهرا جان ویروبدور حیدر آغلار #فاطمیه_ساعد_زنجانی

روز سوم شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرتضی اسکندری(ساعد زنجانی)
.
اوچ گوندی زهرا جان ویروبدور حیدر آغلار
باشین آچوب جناتیده پیغمبر آغلار
.
واگیر:
دفن اولدی گیزلین
ماه مدینه
یاسین دوتوبدور
شاه مدینه
.
.
اوچ گوندی زینب باشینه شانه ووران یوخ
آغلور حسینیله حسن دیل یاندیران یوخ
دلبند طاهایه عزا بزمی قوران یوخ
زینب دینده جان ولی داور آغلار
.
.
اوچ گوندی زهرانون سسی گلمور مدینه
بزم عزایه بیر کسی گلمور مدینه
اوغلانلاری بیر لحظه دینجلمور مدینه
هارون اوخور نوحه شُبیر و شَبَّر آغلار
.
.
اوچ گوندی زهرا تک قویوبدور مرتضانی
جریان کوچه یاندیرور شیرخدانی
دیلَّندیرور هردم امام مجتبانی
سیلی سوزون آلجاق امام مضطر آغلار
.
.
اوچ گوندی زهرا جدینه مهمان گیدوبدی
گوندز اولوب قبره گیجه پنهان گیدوبدی
زینب اوقدری آغلیوب حالدان گیدوبدی
سلمان و مقداد و ابوذر یکسر آغلار
.
.
اوچ گوندی گلزار علی پرپر اولوبدی
قرآن ناطق بی کس و یاور اولوبدی
غرق مصیبت ساقی کوثر اولوبدی
اولاد هاشم باشدا قاره معجر آغلار
.
.
اوچ گوندی یثرب آسمانون غم دوتوبدی
یرده علی گویده نبی ماتم دوتوبدی
باشه ملائک لر قرا پرچم دوتوبدی
زمزم گلوبدور جوشه حوض کوثر آغلار
.
.
اوچ گوندی طاق عرشه قاره باغلیوبلار
جناتیان بو غمده سینه داغلیوبلار
پیغمبرون دلبندینه یاس ساخلیوبلار
یوز یرمی دورد مین برگزیده رهبر آغلار
.
.
#سبک_یا_فاطمه_من_عقده_دل_وا_نکردم (اجرا با واگیر)
#سبک_ای_درد_بی_درمانلارا (سبک های متعدد … اجرا بدون واگیر)
.
#فاطمیه_شهادت
#اوچ_گوندی_زهرا_جان_ویروبدور_حیدر_آغلار
#ساعد_زنجانی
#ترکی
.
✍️ #زبدةالاشعار ✍️
.
🆔: @nohe_torki