دفن شهدا
.
✍️ زبدة الاشعار ✍️
?: @nohe_torki
.
مرحوم سید حسین کهنمویی ( ریاضی تبریزی )
.
اوچ گیجه گوندوز قالوب توپراقلار اوسته بی کفن
اولمادی نعش حسینی بیر نفر دفن ایلیین
امر اولوبدی سیّد سجاده گلدی کوفه دن
دفن ایده گونلر ایوینده قالمیه مظلوم اولن
.
گوردی بیرعده اوجالدور ناله وشیون سسین
بیل کلنگ الده آلوبلار قتلگاهون دوره سین
گوردولر آتلی گلور گیزلتدی هرکس ناله سین
قورخودان اما یواش آعلور اوشاقلار مرد و زن
.
سویلدی اهل قبیله ایلییون شیون گلون
سری کتمان ایتمیون هرگز اولون ایمن گلون
اوغلیام من بو غریبون قورخمیون مندن گلون
گلموشم دفن حسینه سیزلره امداده من
.
گورموسوز کوه منایه بنزوری بو قتلگاه
باش بدنلردن گیدوب وار حقّوز ایتسوز اشتباه
آگهم من کیمدی بونلاردان رعیّت کیمدی شاه
سیز منه امداد ایدون مدفون اولا هر جان ویرن
.
بو منیم بیکس آتامدور خاکیله یکسان اولوب
بو گلستان وفاده گل کیمی خندان اولوب
ناطق قرآن اوزی شیرازه سیز قرآن اولوب
طعن ایدر اسلامه بو پاشیده اوراقی گورن
.
#کهنمویی چوخ بیوک دشمندی بو نفس دنی
ایله تقوا تا که نفسون ایتمسون اغوا سنی
نوحه خوان #طهباز که یازدوردی سنه بو نوحه نی
باعثی بو خیر عملده یاد ایله شعرونده سن
ــــــــــــــــــ
متن کامل این شعر در موضوع شهادت حضرت علی علیه السلام را در هشتک زیر مشاهده بفرمایید:
#یا_علی_غسلون_ویروب_دفن_ایله_دی_اوغلون_حسن
ــــــــــــــــــ
#دفن_شهدا
#اوچ_گیجه_گوندوز_قالوب_توپراقلار_اوسته_بی_کفن
#کهنمویی
#ریاضی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید