او قدری منتظر قویدون دل ویرانی عشقونده #مهدیه_محزون_زنجانی

یا مهدی
.
✍️ #زبدةالاشعار ✍️
.
🆔: @nohe_torki
.
مرحوم محزون زنجانی
.
او قدری منتظر قویدون دل ویرانی عشقونده
باتوردون ماتمه بو عالم امکانی عشقونده
.
یولوندا منتظر چوخدی گوزی یاشلی پریشانحال
خصوصاً یاندیروبدی ملّت ایرانی عشقونده
.
فراقوندا هزاران دردمندین باغری قان اولدی
او قدری بینوانون عمری اولدی فانی عشقونده
.
مین ایلدن چوخدی حسرتده قویوبسان اهل ایمانی
نه تک بیر اهل ایمان عالم بالانی عشقونده
.
سنه الله ویروبدور فوق قدرت متن قرآنسان
سنه همتا اولان گلموب گلنمز ثانی عشقونده
.
نگارین بسکه اکملدور اؤزون اکمل سؤزون اکمل
بو طول غیبتین حیران قویوب انسانی عشقونده
.
حدیث عشقیوی شرح ایلیه بُلمز محدث لر
قویار حیران سراسر درسینه دارانی عشقونده
.
نه تک شیعه یولون گوزلور قالوبدور منتظر عیسی
خمار ایتموش سنون هجرون غمی عیسانی عشقونده
.
مدینه گورمین بلمز ندور زهرانین عنوانی
سنی گوزلر آنان اُول عصمتین ارکانی عشقونده
.
نه چوخدور بینوا عاشق یولوندا گوزلری قالموش
دیر باشه یتور مولا داخی هجرانی عشقونده
.
سنون هجران اودون مولا دلِ «محزونی» یاندوردی
ائدوب تکمیل غملن دفتر و دیوانی عشقونده
.
.
.
#مهدیه
#او_قدری_منتظر_قویدون_دل_ویرانی_عشقونده
#ترکی
.
✍️ #زبدةالاشعار ✍️
.
🆔: @nohe_torki