حالات حضرت موسی بن جعفر (ع)
.
✍️ #زبدةالاشعار ✍️
.
🆔: @nohe_torki
.
مرحوم شعاع تبریزی
.
او گون که ظلمده هارون ایلدى طغیان
جفاده قویمادی قالسون او بی حیا نقصان
.
ایدوبدی حضرت موسی ابن جعفری مسموم
دوشوب ایاقدان او مظلوم امام دلمغموم
.
گوروب یاخندی وداع ایلیه بودنیانی
که یعنی پیک اجل درک ایده او مولانی
.
دوشوب بوفکره که باشسیز قالانلارا چکه باش
الى اورکده اودم گلدی یثربه بیر باش
.
گورنده عورتی اول سروری پریشانحال
پوزولدی حالی توکوب گوز یاشینی قیلدی سئوال
.
سنه فدا اولوم ای شهریار هاردیدون
فراقون ایتدی بیزی دلفکار هاردیدون
.
شیرین یوخی گوزیمه گلمیوب بو مدّتده
گوزوم یولوندا قالوب انتظار هاردیدون
.
بو مدتی یوزوموز گولمیوب گیدندن سن
اولوبدی گوندوزوموز لیل تار هاردیدون
.
بالام رضادن آلاندا خبر سنی هر آن
دیمزدی اشگین ایدردی نثار هاردیدون
.
جواب ویردی یوخومدی توان تقریره
دویونجا گور منی آز آغلا سالما تأخیره
.
بویوردی توکمه یوزه اشگ آل گئتملیم
اجل یتوب باشا ایله حلال گئتملیم
.
نولوب بلاسی منیم باشیمون بو مدتده
بیان ایتمگه یوخدور مجال گئتملیم
.
اولا سنون داخی جان، جان منیم بالالاریمون
بولاری قویما چوخ افسرده حال گئتملیم
.
منیم یریمه رضادن مواظبت ایله
یتیم اولور داخی بو مه جمال گئتملیم
.
بو خردا قزلاری قویما چو نی نوایه گله
یتر منه بُلوسن چوخ ملال گئتملیم
.
دوباره ایستدی بغداده ایلسون رجعت
ویروب او حالده یوز امّ احمده رقت
.
یری واریدی دیه حضرته بو دیللریله
که یانمشوخ آقا هجر آتشینده ایللریله
.
دایان قدملریوه من فدا هارا گیدوسن
گونومی ایتمه دوباره قرا هارا گیدوسن
.
قالوب یولیندا گوزوم اون بیر ایلدی شام و سحر
یانوب منیله بو غمده رضا هارا گیدوسن
.
اماندی ساخلا ایاق تا بو قزلارون اویادیم
سولوبلا گور نجه چون کهربا هارا گیدوسن
.
صباح اولاندا یاتان قزلارون اگر بولسه
بو گلماقون چخار عرشه نوا هارا گیدوسن
.
گر ایستیه بالالار سیّدی سنی مندن
ندور جوابیم اودم قزلارا هارا گیدوسن
.
بو بیر سوری ختن آهولری نه مدّتدی
ملر دالونجا دیر وای بابا هارا گیدوسن
.
یانوب فراق اودونا دلدن عترتون یکسر
گل ایله درد فراقه دوا هارا گیدوسن
.
بو سرّیدن منی آگاه قیل سنه قربان
نه تیز قوجالمسان ای مقتدا هارا گیدوسن
.
بو گردنونده اولان یاره لر نه یاره سیدی
که ایلیوب بیله سلب قوا هارا گیدوسن
.
ندن بیله گوگروب اللدرون یوزون یوخسا
ویروب عدو سنه زهر جفا هارا گیدوسن
.
ندور یوزونده کی بو ال علامتی دی گوروم
ورو بدی سیلی سنه اشقیا هارا گیدوسن
.
سنه بو ظلمی ایدن ال اولیدی شل ایکاش
نه بی مروّتمش اول دغا هارا گیدوسن
.
بُیور گوروم منه جسمون ندن بیله اریوب
دونوب کمانه بو قدّ رسا هارا گیدوسن
.
نیه بو نوعی خزان یپراقی کیمی اسیسن
دورانموسان ایاق اوسته آقا هارا گیدوسن
.
اوتور یره دولانیم باشیوه فدا بویوا
اولوب بو تئزلیقا مندن جدا هارا گیدوسن
.
بو قویدی قزلارینی خواب نازده گیتدی
اویانمادی دیه خوردا بالا هارا گیدوسن
.
ولی حسینون او اوچ سینّده اولان بالاسی
کسوب یولون دیدی اوُل مه لقا هارا گیدوسن
.
سن اولماسان باباجان نازیمی چکن اولماز
قویوب منی آتاسیز ای آتا هارا گیدوسن
.
«شعاع» بو توسن طبعون چکوب عناننی دی
منه مرامیدی کرب و بلا هارا گیدو سن
.
.
.
#کاظمیه_شعاع_تبریزی
#کاظمیه_شهادت
#او_گون_که_ظلمده_هارون_ایلدى_طغیان
#ترکی
.
✍️ #زبدةالاشعار ✍️
.
🆔: @nohe_torki
نظر دهید