زبدةالاشعار

اى آدین شاعر قویان ساخلا حسینین حرمتین #پندیات_مژده_اردبیلی

پندیات در مقام شعر و شاعری
گریز به شهادت حضرت علی اصغر (ع)

مژده اردبیلی

اى آدین شاعر قویان ساخلا حسینین حرمتین
سن یازان سوزلر حسینین سیندیرار شخصیتین
ظهر عاشورا خیال ایتمه قوتاردى نهضتین
تا جهان واردى حسینین نهضتى پاینده دى
شهریار عزّتین اندیشه سى سازنده دى

شاعر شهر شعور اولماق شعور ایستر شعور
شاعرین اندیشه سى اولسا بحق فیض حضور
لطف ائدر مولا ویرر اشعارینه بیر آیرى شور
سوزلرى مقبول ذات حضرت الله اولار
بى ریا شاعر کیم اولدى خادم درگاه اولار

بى ریا اولماق چتین دى آیرى معنا اولماسین
کیم دییر عالمده شاعر اهل تقوا اولماسین
اهل تقوا اولسون امّا خوار و رسوا اولماسین
چیخماسین هرگز صراط مستقیم عشقیدن
سایه سالسین باشینه نخل عظیم عشقیدن

گر چه بیر عدّه شعار اوستونده اشعارین یازیر
دشمن بد منظرین رفتار و کردارین یازیر
ذیل اشعارینده هى ناپخته افکارین یازیر
سیندیریر شخصیت و شأن و وقار شاعرى
هى ساتیر لیر و دلاره اعتبار شاعرى

یحیوى لردن اؤزون شعر عالمینده باش بیلیر
بیلمورم علّت ندور شعر اوغروسون یولداش بیلیر
جان دییر اهریمن بدمنظرى قارداش بیلیر
باشلیور مطلب یازور اهریمنى سیندیرمیون
اهرمن قالسون دیور که دشمنى سیندیرمیون

متن پیشنهادی:  برابر کعبیه حج رضادی #رضویه_عدلی_تبریزی

کیم آدین شاعر قویوب پُست و مقام آختارماسین
بش گون عالمده کذایى احترام آختارماسین
بزم ماتمده ریایى انسجام آختارماسین
شهریار عشقیدن یازسین مقدس سوزلرین
تیکمه سین جیب فلان ابن فلانه گوزلرین

شاه عاشورادن آلسین فیض بى حدّ و حدود
ایلسون اوج کمال و قلّۀ عشقه صعود
باشلاسین مطلب بنام حضرت حىّ ودود
شهریار کربلایه روز و شب بِل باغلاسین
سوز یازوب آیین حق اوسته اورکلر داغلاسین

طوطى طبعى دیار عشقه پرواز ایلسون
عالم معناده گَزسین شعرى اعجاز ایلسون
شهریار عشقه دلدن عشقین ابراز ایلسون
گوهر اندیشه و اقبالین ارزان ساتماسین
شعر عاشوراسینه بیر آیرى مطلب قاتماسین

کیم دیور شاعر معاصر دشمنى خوار ایتمه سین
خواب غفلتده یاتان مخلوقى بیدار ایتمه سین
کیم دیور شیطان بد ذاتیله پیکار ایتمه سین
دشمنى خوار ایتسین اما یار اغیار اولماسین
گوزله سین دام بد اندیشه گرفتار اولماسین

قوى گئچوم سوزدن اگر شاعر قبول ائتسوز منى
نفس شومى پیلیوب خوار ایلرم اهریمنى
شهریار عشقه قربان ایلرم جان و تنى
یازمارام بیهوده مطلب سوزلریم محدود اولا
درس عششقیم بارگاه عشقیده مردود اولا

متن پیشنهادی:  ای بابا گور سالوب نجه حاله بو ساربان منی #راه_شام_لاادری

یازمارام بیر سوز که خصم کافرى شاد ایلسون
باشلارام بیر سوز که نفى ظلم و بیداد ایلسون
ایلرم همت که شور همت ایجاد ایلسون
گر چه بحرغمده غواص اولمارام چون  #یحیوى
اولمارام حتى شعور شعریده چون  #منزوى

باشلارام بیر نوحه که عالم مباهات ایلسون
نهضت سلطان عاشورانى اثبات ایلسون
شعر عاشورا گرک تبلیغ طاعات ایلسون
گوزلرى قان آغلاسین مظلوم عاشورا کیمى
اصغره لاى لاى دیسین اوغلى ئولن زهرا کیمى

اوندا کى دیلسیز اوشاقه زهریلى اوخ ویردیلار
مرتضى اوغلى حسینین شهپرین سیندیردیلار
توسن صبرین او صحراده عنانین قیردیلار
حنجرعطشانه باخدى شاه عطشان آغلادى
میزبانین حالینه لب تشنه مهمان آغلادى

اولدى که انوار عشقى گول یوزونده منجلى
دولت قرآن و ایمانین پاریلدار مشعلى
ایتدى فرمایش او حالیله حسین ابن على
عشق دنیانى باشیمدان آتماقا گلدیم بورا
باغبانم غنچه بیر گُل ساتماغا گلدیم بورا

سیزده کى رحم و مروّتدن اثر گورسنمدى
سیزده واحسرت عطوفتدن اثر گورسنمدى
قان توکن لر سیزده غیرتدن اثر گورسنمدى
میزبان اولدوز قوناقه بیر ایچیم سو ویرمدوز
اوخلادوز دیلسیز اوشاقه بیر ایچیم سو ویرمدوز

متن پیشنهادی:  بو گجه صبحه کیمی عرش کبریا آغلار #شب_عاشورا_حقیر_خویی

ظاهراً اولدوز خداوندین مسلمان بنده سى
امّت پیغمبر اولدوز ذات سبحان بنده سى
اولدوز اما وا اسف باطنده شیطان بنده سى
دوز مسلمان اولمادوز علت اودور قان ایلدوز
صود امر دیلسیز اوشاقى قانه غلطان ایلدوز

زهریلى پیکان کى ویردوز حنجرعطشانینه
باخمادوز گلزارعشقین غنچۀ خندانینه
اوخلادوز اوغلون شرر سالدوز ربابین جانینه
خیمه گاهینده او بانوى حزین قان آغلادى
اصغره لاى لاى دیدى زار و پریشان آغلادى

اى گلستان وفانین غنچۀ خندانى گل
گلشن احساس و عشقین لالۀ نعمانى گل
باغ ایمان و صفانین نوگل ریحانى گل
گل خیام عشقه اوغلوم باغلا هجران دفترین
کوسمه مندن قویما یوللاردا ربابین گوزلرین

صرصر اندوه و محنت گرچه پوزدى گلشنى
بیلمورم علت نه اولدى سنده ترک ایتدون منى
دوشلریمده صود یوخیدى اولما اینجیتدیم سنى
بیر گؤورچین تک بویاندون قانه گئتدون اصغریم
یا قوشولدون تند اسن طوفانه گئتدون اصغریم

#مژده بیر غمنامه یازدى  #انورى یاد ایلسون
سربسر غمنامه سینده نفىِ بیداد ایلسون
شورعاشوراى محنت دیلده ایجاد ایلسون
نوحه یازسین روز و شب تبلیغ طاعت باشلاسین
اشک غم توکدى عذاره بانگ محنت باشلاسین

#پندیات  #شاعر
#اصغریه_شهادت
#اى_آدین_شاعر_قویان_ساخلا_حسینین_حرمتین
#مژده_اردبیلی
#ترکی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی