در مدح مولاى متّقیان على بن ابیطالب
#یاعلی
.
✍️ #زبدةالاشعار ✍️
.
🆔: @nohe_torki
.
مرحوم قمری
.
اى سپهر عزّته خورشید خاور یا علی
عالم امکانه سنسن مهر انور یا على
.
شوکت و جاه جلالون سایه بانى آسمان
رفعتون خرگاهیدورنه چرخ اخضر یا على
.
فرقدان سا فرقون اوسته چتر زرنگارى سپهر
بیر مطلا قبه دور چرخ منور یا على
.
چون هواده بى ستون آرام دوتمازدى فلک
تا وجودون اولماسیدى عرش لنگر یا على
.
بزم اجلالون چراغانى قندیل نجوم
ماه تابان مجلس عشونده مجمر یا على
.
شاهباز اوج عزتسن ولایت چرخینه
تحت اوجوندا ملائک چون کبوتر یا على
.
نور پاکون عالم انواریده ارشاد ایدوب
کیمدى سندن غیرى جبرائیله رهبر یا على
.
کن فکان دارینده سن موجود سن آدم طفیل
کائنات و کل موجوداته سرور یا على
.
اولدى هر مشگلده نوریندن مؤیّد انبیا
قدرت بى منتهاى حقه مظهر یا على
.
اولماسیدى ذوالفقارون صفحۀ آفاقیده
ذکر ایدن اولمازدى بیر الله اکبر یا على
.
ضرب انگشتیله بولدون اژدرى گهواره ده
اسم پاکون اولدى هر دللرده حیدر یا على
.
بدرده اسلامه رونق ویردى تیغون شعله سى
تاپدى استحکام آیین پیمبر یا على
.
شأنیوه دوقوز فلکدن لا فتى الا على
چوخ ملایکلر احدده قیلدى از بر یا على
.
کیمدى سندن غیرى خندقده چکن تیغ دوسر
قطع ایدن بنیاد عمر عمرو عنتر یا على
.
بیر تعجب ایش دگل خیبر قوپارتماق شأنیوه
هرسر مویون یخار مین باب خیبر یا على
.
گر اوزادسان طارم مینایه قوت پنجه سین
هیبتوندن تترشور نه چرخ چنبر یا على
.
ایله سن بیر گوشۀ چشمیلن هرگه التفات
طاق افلاکى آلور ال اوسته قمبر یا على
.
سمّ دلدل سطوتیندن عالم امکانیده
یدى یر گاوسمک چون بید تیترر یا على
.
مرحبون رزمینده تیغوندن تاپاردى انهدام
چکمسیدى ارضه گر جبریل شهپر یا على
.
کیمدى سندن غیرى مولا فارس یوم الحنین
قاتل اعداى دین ضرغام صفدر یا على
.
ایلیا توراته اسمون شنطیا انجیلیده
شاه مردان نور یزدان شیر داور یا على
.
بیر شجاعت سنده وار کالشمس فى قطب السما
مطلقا منکر دگل هیچ گبر و کافر یا على
.
برق سیفون چون شهاب ثاقب اولسا جلوه گر
یاندورور اعداى دین فوجین سراسر یا على
.
گه اولورسان مقتداى فرقۀ خیل ملک
گه اولورسان شکل انسانه مصور یا على
.
قاسم نار و جنان میراب گلزار بهشت
صاحب حوض و لواى روز محشر یا على
.
والى ملک ولایت سن امام المشرقین
شافع یوم الجزا ساقى کوثر یا على
.
گر اوزاتسان طارم مینایه قوت پنجه سین
هیبتیندن تتره شور نه چرخ چنبر یا على
.
گتمز هیچ کس جنته سندن اگر اذن اولماسا
امر عقبادور نظامونلن مقرر یا على
.
گه بساطون ابراولور معراج ایدر سن گوگلره
هم جلیسیندور سلمان و بوذر یا على
.
گه قیلارسان صبح دم بیر وقت قرخ یرده نماز
گه ایدرسن مرده نى احیا مکرر یا على
.
گه سنه ایلر افقدن نیر اعظم سلام
گه گلور گوگدن مبارک باد اختر یا على
.
شیعه لر اولسون فدا جاه و جلال رتبه وه
سنسن اوچ یوز آیۀ قرآنه مضمر یا على
.
هانسى امتدور گوروم سن تک اونون مولاسى وار
ال و وران دامانیوه اولماز مکدر یا على
.
هرکسون قلبینده حبون اولسا بى ریب و ریا
چکمسون غم جرمنى الله باقشلار یا على
.
قبردن هیچ کیمسه گلمز حشرگاهه سرخ رو
ایچمسه دست ید اللهوندن ساغر یا على
.
عالم معناده قالبدور جهان سن روح سن
جسمدور مخلوق سن اول جسمه جوهر یا على
.
یتمز اتمامه مدادى بحر اولا کاتب ملک
مدحوه اجرام افلاک اولسا دفتر یا على
.
قمرى پربسته ام گلزار وصلونده جدا
اولموشام دریاى وصفونده شناور یا على
.
حسرتیم وار خاک درگاهونده مدفون اولماقا
یوز بهشتیلن اولار قبرون برابر یا على
.
.
.
.
#حیدریه_قمری
#اى_سپهر_عزته_خورشید_خاور_یاعلی
#ترکی #حیدریه_مدح #یاعلی
.
✍️ #زبدةالاشعار ✍️
.
🆔: @nohe_torki
نظر دهید