زبدةالاشعار

اَلحَمدُ للهِ الَّذی خَلْق السّماواتِ العُلی #مناجات #فضولی

مناجات
در مدح 14 معصوم علیهم السلام
.
✍️ زبدة الاشعار ✍️

?: @nohe_torki
.
مرحوم ملا محمد فضولی
.
اَلحَمدُ للهِ الَّذی خَلْق السّماواتِ العُلی،
(که)اوندان تاپار خاک زمین، فیض بهارِ دلگشا
.
بُرهان حق دیر ای کونول! هر نسترن نسبتلی گول،
صانع اولان ممکن دگیل مصنوعدان اولماق جدا
.
تا ختمِ احوال درون، عرض ائتدی عقل ذوفنون،
معبودا اولدو رهنمون، تاپدی طریق اهتدا
.
ثابت حقی گولنار ائدر، خلقی کی یوخدان وار ائدر،
بیر کاندان اظهار ائدر، مین طُرفه لعل خوش نما
.
جمع پریشان کیم ایتر، رهبرلری سنبل یئتر،
کیم تیره توپراقدان بیتر، ائیلر کونوللر مبتلا
.
حق مظهریدیر هر چیچک، گر توتسان ای نقاش شک!
بیر نارون شکلینی چک، وئرگیل اونا نشو و نما (1)
.
خط وئردی ریحان کیم یقین، بیر تانری وار، ای اهل دین!
عوذُوا بِرَبِّ العالَمین اِنْتَهُوا مِمّا نها
.
توتموش حقه نرگس اوزون، آچمیش حقیقت بین گوزون،
قیلمیش نظر، گورموش اؤزون، سرّ حقیلن آشنا
.
ذات منزّه پرتوی قدّاحی ائتمیش حق ائوی،
هم صوری و هم معنوی گور اوندا اسرار خدا
.
بُستاندا گور نیلوفری، توتموش طریق برتری،
ازهارین اولموش رهبری، اسرارا اولموش آشنا
.
راه طلب دیر بیعدد معبودا ای اهل خرد!
گر ایسته سن قُرب صمد، صد برگ اولور رهبر سنا
.
زنهار محو اُول حکمته، باخغیل کمال قدرته،
نیلوفر خوش صورته، گور کیم وئریر آب و هوا؟
.
سن اولماسان مدهوش تک، باخسان بیر اهل هوش تک،
حقّا کی برزنگوش تک تسبیح خوان دیر هر گیا
.
شاخ اولدو منبر یکسره، چیخدی شکوفه منبره،
صلوات ائدر پیغمبره صَلّوُا عَلی خَیرُ الوَری
.
صحن چمنده ارغوان هر برگی ائتمیش بیر زبان،
تکرار ائیلر هر زمان، مدحِ علیّ المرتضی
.
ضایع کئچیرمز یاسمین، عمر لطیف و نازنین،
اخلاصیله ائیلر اؤزین خاکِ رَهِ خَیرُ النِّسا
.
طُرفه ریاحین سر به سر، کسب ائتدی عطر مشکِ تر،
خُلق حسندن بیر اثر، گلزاره گوسترگج صبا
.
ظاهر قیلیر خونین کفن لاله قیلیر یوز پاره تن،
توتار دونوب تار چمن، شاه شهید اوچون عزا
.
عابد صفت چکمکده غم، اولموش بنفشه قدّی خم،
گویا قیلار اول پاک هم زین العباده اقتدا
.
غم دفعی اوچون هر طرف، گُلشنده چکمیش سبزه صف،
باقر ثناسیندا شعف بولموش قیلار ورد ثنا
.
فیض حق ائتمیش آرزو، چیخمیش شقایق سُرخ رو،
قیلمیش به امر حق قُل و، صادقنی قیلمیش پیشوا
.
قهر ایله چرخ لاجورد، گر یاسمینی قیلسا زرد،
نه غم چو گورگچ اهل درد، ائیلر اونا کاظم دوا
.
کشف ائتمه گه اسرار حق، آچمیش سمن سیمین ورق،
وئرمیش اونا گویا سبق، علم ایچره شاه دین رضا
.
لعبت صفت گور زنبقی، گلزار وئرمیش رونقی،
اولموش هواخواه تقی، کسب ائیله میش اوندان صفا
.
مداح تک سوسن دیلی اولموش مدایح ناقلی،
مدحینین اولموش قائلی، سلطان نقی، بحر عطا
.
نسرینین آچیق دفتری اولموش حقایق مظهری،
اوندان صفات عسکری فهم ائتمیش ارباب ذکا
.
وقت اولدو غنچه آچیلا، گول خرده سین ظاهر قیلا،
مهدی ظهورینی بیله، فاش ائده سرّینی قضا
.
هر یئرده تا نوروز اولا، گول بوستان افروز اولا،
نوروز تک فیروز اولا، ایّام شاه اولیا
.
یعنی گول گلزار جان حیدر، امام مومنان،
اول کیم اونادیر بیگمان مسکین #فضولی بیر گدا
.
(1)نارون . [ نارْ وَ ] (اِ) ناروان . (برهان قاطع). درختی است بغایت خوش اندام و پربرگ و سایه دار. (غیاث اللغات ) (از جهانگیری ). درخت بسیارسایه است ، همیشه جوان ، به زمستان و تابستان یکی باشد، برگش به برگ بید مانند است.
.
.
#مناجات #14معصوم
#الحمد_لله_الذی_خلق_السماوات_العلی
#ملامحمدفضولی
#ترکی
.
✍️ #زبدةالاشعار ✍️

متن پیشنهادی:  ای که دارم به سر از عشق تو سودای دگر #حیدریه_یوسف_فگار

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی