زبدةالاشعار

اکبر ای لیلا گلی آچدون نه تیز سولدون بالا #اکبریه_نادری

حضرت علی اکبر (ع) و لیلا (س)
.
✍️ #زبدةالاشعار ✍️  
.  
🆔: @nohe_torki
.
مرحوم نادری میانجی
.
اکبر ای لیلا گلی آچدون نه تیز سولدون بالا
مظهر مهر وفا تئز بی وفا اولدون بالا
.
.
شمع سن ای یوسفیم پروانه دور لیلا سنه
شمع گر خاموش اولا آواره قاللام وای منه
گر منه رحم ایتمسن رحم ایله شاه ذو ألمنه
سن خلیل کربلانون طاقتین آلدون بالا
.
.
بیلمرم دشت منا یا کربلا صحراسیدور
چوللری نالان گزن پیغمبرین زهراسیدور
آز قالوب دشمن دیسون گوراکبرین لیلاسیدور
هاجر دشت بلانی غربته سالدون بالا
.
.
خانۀ امیدیمی قویما اوغول بر باد اولا
گوز یاشیم نهر فرات یا دجلۀ بغداد اولا
یاخشی مادر ساخلادون اوغلوم ائوین آباد اولا
قویدون آغلار سن منی دنیاده دینجلدون بالا
.
.
ایندیکه لیلا ایشین سالدون بو یرده مشگله
گل منیم قربانلقیم شانه وروم قاره تله
حضرت زهرا گورنده ایتمسین مندن گله
طاقت آراممی حسرتله سن آلدون بالا
.
.
بختمون خورشیدیسن باتسون اولار آخشام اوغول
هجریوه حشره کیمی من قلبدن یاننام اوغول
گل سنه زینت ایدوم طوی گورمین ناکام اوغول
بادۀ عشقی ایچوب تئز مندن آیرولدون بالا
.
.
زلف پر چینون علی بیر چشم گریان آختارور
یوسفین ایندی دوروب یعقوب کنعان آختارور
دورما گیت اوغلوم سنی شاه شهیدان آختارور
شمره تاپشوردون منی بوردا ئوزون قالدون بالا
.
.
نادری وقت اولدی که شامه یولا دوشسون قطار
ناقه دن لیلا دیدی اولدون على نیزه سوار
گلشنیم تاراج اولوب گلر اولوندی تار و مار
عصرده کام آلمادون چوخ نامراد اولدون بالا
.
.
.
#اکبریه_نادری
#اکبریه_شهادت
#اکبر_ای_لیلا_گلی_آچدون_نه_تیز_سولدون_بالا
#ترکی
.
✍️ #زبدةالاشعار ✍️  
.  
🆔: @nohe_torki

متن پیشنهادی:  عالم معناده پیغمبر بو گون مغموم اولوب #کاظمیه_صافی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی