شهادت حضرت علی اکبر(ع) خطاب به امام زمان (عج)
.
✍️ زبدة الاشعار ✍️
.
🆔: @nohe_torki
.
مرحوم صحاف تبریزی
.
اکبر غمی دللردن آلوب طاقت و آرام
یا صاحب الاسلام
شام اهلی او شهزاده نی ئولدوردیله ناکام
یا صاحب الاسلام
.
صد پاره عقاب اوستن اولاندا یره نازل
اول ماه شمایل
یوزدو تدی خیامه ایدوب اوز حالنی اعلام
یا صاحب الاسلام
سسلندی یتیش دادیمه ای شاه لب عطشان
اکبر سنه قربان
آتدان یره یخدی منی بو فرقۀ گمنام
یا صاحب الاسلام
.
شهزاده نین آلدی سسینی اوغلی ئوولن شاه
چکدی ایله بیر آه
از قالدی دگرگون اولا بو گردش ایام
یا صاحب الاسلام
.
بیر واولدا سسلدی اوج ایتدی نواسی
باشلاندى عزاسی
ناله اوجالوب خیمه لری دولدوروب آلام
یا صاحب الاسلام
.
شه گلدی حرمدن نجه شهزادیه چاتدی
درد و غمه باتدی
گوردی یارالی جانورور اول سرو گل اندام
یا صاحب الاسلام
.
مرکبدن اوزین یدّی قدمدن یره سالدى
فریادی اوجالدی
قدی بوگولوب سولدی سارالدى رُخ گلفام
یا صاحب الاسلام
.
یدّی قدمی شاه سوروندی یوزی اوسته
محزون و شکسته
آغلار گوزینه اولدی ایشیق گوندوز او گون شام
یا صاحب الاسلام
.
بیر حسرتیله پارچالانان باشینه باخدی
قان گوزیاشی آخدی
بیر حاله قالوب تک بلوری خالق علام
یا صاحب الاسلام
.
شهزاده باشین آلدی دیز اوسته شه والا
صبر دل زهرا
گوردی اویانان قلبی گنه اولمادی آرام
یا صاحب الاسلام
.
قانلی یوزینه قویدی یوزین علت ایجاد
چکدی ایله فریاد
دشمنلری آغلاتدی او شاهنشه اسلام
یا صاحب الاسلام
.
#اکبریه_شهادت
#اکبر_غمی_دللردن_آلوب_طاقت_و_آرام
#ترکی
.
✍️ #زبدةالاشعار ✍️
.
🆔: @nohe_torki
نظر دهید