اشاره به احوالات کوفه راه شام و شهر شام
.
✍️ #زبدةالاشعار ✍️
.
🆔: @nohe_torki
.
لاادری
.
اگرچه خلق ایلیوب عزم گلستان گیدوری
ولی منیم اورگیمده همین فغان گیدوری
.
نه سیر گل نه سیاحت نه گلستان نه چمن
خزان دوباره گلور مرغ نغمه خوان گیدوری
.
فنادی جاه و جلال جهان خزان گلی تک
بقایه فکر ایله بو غربت جهان گیدوری
.
نه عزّ و جاه نه شوکت نه خانمان نه جلال
تمام عاریه دور بو دگول قالان گیدوری
.
گوزوم گوزونده اگر اولسا گوز ئوزون گوره سن
بو داردن ایلیور کوچ کاروان گیدوری
.
ذخیره لازمه دور ایمدی جاودان یرینه
گیدنلری گوروروق بیز که جاودان گیدوری
.
گلون حسینه هامی آغلیاق ذخیره ائداخ
حسینه آغلیان عُقبایه شادمان گیدوری
.
گئنه منیم نظریمده بیر ئوزگه جلوه ایدر
بیر ئوزگه فکره بو گون فکر دل نهان گیدوری
.
گلور خیالیمه بیر کاروان که چوخ پوزقون
دیار شامه قولی باغلو باغریقان گیدوری
.
او کاروان دا اولانلار حسین حرملریدی
خرابه شامده دوتماقلیقا مکان گیدوری
.
سِنق کجاوه حرم خسته ناقه بد رفتار
تحمل ائتماقا وئرمز عدو امان گیدوری
.
او کاروان دا کی محترم بیر عالِم اولا
یاننجا مَحمل و یا تخت و سایبان گیدوری
.
یریتی راحت ایده للر علاوه ناخوش اولا
همین بو رسمیله هر قوم هر زمان گیدوری
.
ولیک شامه کیمی فخر ساجدینیله
نه راه رسمیله گور قوم کوفیان گیدوری
.
برهنه ناقه بدن ناتوان ئوزی ناخوش
ایدوبدی بوینونی زنجیر یاره قان گیدوری
.
هوانون ایسی سی ، زنجیر آغیر ، اوزاق منزل
گجه گونوز یول ایدور بلکه شامیان گیدوری
.
نجه قصور ایلسون گتمه سون او ذلّتیله
الینده قمچی کمینینده ساربان گیدوری
.
جدا باشیندا حسینون باشی نه سوز دور بو
امیر شامه دیولّر که ارمغان گیدوری
.
گیدوبدی کوفه ده ابن زیاد مجلسینه
وئره فنر دَمینه لبلرین عیان گیدوری
.
همیشه جدّی پیمبر ئوپن دوداقلارینا
یزید شوم وورا چوب خیزران گیدوری
.
حرملرین باجیسی زینبه سپُرده ایدوب
دوباره گورماقا ویرانه لرده سان گیدوری
.
جهاندا بیر بیله ده بیر باشین بلاسی اولار
گهی خرابیه گه دیره میهمان گیدوری
.
گهی قوناق اولوری خولیه کول اوسته یاتور
گھی عیالینه یوللاردا پاسبان گیدوری
.
بولور که اهل حرم نابلددیلر او یولا
دوشوب قباقه ئوزی یول وئرور نشان گیدوری
.
سکینه گیتموری شامه ئوز اختیاریله
اگرچه ناقه ده ، یرده دوان دوان گیدوری
.
سالوبدی بوینونا زنجیر ، اکبرین زلفی
او تار زلفیله هر دم کشان کشان گیدوری
.
علاوه لوح قدرده پازوب قضا قلمی
خرابه یرده وئره حسرتیله جان گیدوری
.
بولور یقین که آتاسی خرابیه گله جاق
قابار آیاقلارینی وئرماقا نشان گید وری
.
گلنده نالیه گورجاق که تازیانه گلور
سسین اوجاتمور او بیچاره قورخودان گیدوری
.
مُحالدور او روایت که نقل ایدر راوی
خرابه کوفه ده گوردوم که مردمان گیدوری
.
دگوبدی بیر بیرینه مرد و زن صغیر و کبیر
چوخ ازدحامیله مخلوق اولوب روان گیدوری
.
دیدیم نه وار دیدیلر کوفیه اسیر گلور
اسیر گورماقینا باخبر اولان گیدوری
.
او قدر گچمدی گوردوم دیور که چخدی قوشون
نه شکلیلن نه گلور فکره نه گمان گیدوری
.
غریبه جشنیدی بیدق آچوبلا رنگ به رنگ
صعود ایدور فلکه بانگ عزّ و شان گیدوری
.
اسیر دشمن اولوب بانوان با عصمت
دیار شامه ایدوب ترک خانمان گیدوری
.
ووروبلا نیزه لره بیر پارا کسیک باشلار
قاباقدا رأس حسین زینت سِنان گیدوری
.
جدا باشیندا یغوبدور جوان لارین باشینا
باشندا رأس جوانان مَهوشان گیدوری
.
سرِ سِنان ده گوردوم دیور هامی باشلار
نظامیلن دوزولوبدور یگان یگان گیدوری
.
ولی حسینون علمدارینون یارالی باشی
ئوزون چکوبدی اولاردان کناره یان گید وری
.
که بیر شقی آتنون بوینونا سالوب او باشی
علم الینده علمداره همزمان گیدوری
.
دیور حسینون علمدارینی من ئولدوردوم
او افتخاریله اول بی حیا هر آن گیدوری
.
.
#کوفه_لاادری
#راه_شام
#اگر_چه_خلق_ایلیوب_عزم_گلستان_گیدوری
#ترکی
.
✍️ #زبدةالاشعار ✍️
🆔: @nohe_torki
نظر دهید