کوچ از کربلا
زبانحال حضرت زینب (س)
.
✍️ زبدة الاشعار ✍️
?: @nohe_torki
.
مرحوم کلامی تبریزی
.
اگر تشریح ائدم قارداش سنه یغمای اعدانی
گتورّم نالیه گویلوم کیمی جنّتده زهرانی
.
ولیکن اختصاراً عرض ائیدیم هرچند آگه سن
خیاله گلمین جور و جفالر اولدی ارزانی
.
بو امره شرکتیم واردور سنیله روز اوّلده
بلا پیمانه سیله باغلادوق بو عهد و پیمانی
.
برادر اولما دل واپس سویولدوم بیقرار اولدوم
پریشان ایلرم رخساریمه زلف پریشانی
.
یوزیمده نور پاکین پردۀ حمرادی هر یرده
باشیمدا معجریمدور گرد و خاک راه طولانی
.
دگر تیر تجلّا نور خورشید جمالوندان
او گوزلردن که ایستر درک ایده فیض تماشانی
.
اولاندا شامه وارد بیزلره گر باخسا شام اهلی
باشین قربانیَم نیزه باشیندا باشلا قرآنی
.
سورونَّم سایه تک باشین دالینجا صبحدن شامه
بو سودای ولادور آتمارام باشدان بو سؤدانی
.
دم عیسی کلاموندَن گلوب درک کمال ائتسین
نصارالر فراموش ایله سین اعجاز عیسانی
.
«کلامی» سوز سنوندور لیک وار بیراوزگه جان سوزده
یقین روحُ القُدُس تعلیم ایدوب بو لفظ و معنانی
.
#کوچ_کربلا
#قتلگاه
#اگر_تشریح_ائدم_قارداش_سنه_یغمای_اعدانی
#کلامی_تبریزی
#ترکی
.
✍️#زبدةالاشعار ✍️
?: @nohe_torki
نظر دهید